काठमाडौं । यही असार २६ गतेदेखि चलचित्र ‘भागदौड’ देशभर प्रदर्शन हुँदैछ । चलचित्रमा बुङ्मतीको प्राचीन सभ्यता, नेवारी कला–संस्कृति तथा त्यहाँ बसोबास गर्ने नेवार, बाहुन, क्षेत्रीलगायत विभिन्न समुदायबीचको सहअस्तित्वलाई उजागर जनाइएको छ ।

चलचित्रका अभिनेता विशाल पोखरेलका अनुसार परम्परागत प्रथा र आधुनिक जीवनशैलीबीचको सन्तुलनलाई चलचित्रमा प्रस्तुत गरिएको छ । उनले भने, “चलचित्रमा मैले अभिनेताका रूपमा प्रहरीको पात्रलाई जीवन्त बनाउने कोशिस गरेको छु । पहिलो पटक म प्रहरीको रूपमा प्रस्तुत भए पनि मेरो सानैदेखिकै सपना भने प्रहरी बन्नु थियो, यसपटक त्यसलाई चलचित्रमा पूरा गरे ।”

उहाँले चलचित्रमा आबद्ध हुनुको मुख्य कारण प्रहरीको चरित्र रहेको बताउनुभयो । हिमाल उप्रेतीको लेखन तथा निर्देशनमा तयार भएको उक्त चलचित्रमा अभिनेता पोखरेलसँगै अनिशा श्रेष्ठ, घनश्याम जोशी, शारदा राई (सारा), शेखर चापागाईं, देशभक्त खनाल, लक्ष्मी गिरी, शङ्कर महर्जन र सुवास तिमिल्सिनालगायत कलाकारहरूको अभिनय रहेको छ ।

चलचित्रले मनोरञ्जनसँगै सामाजिक सन्देश प्रवाह गर्ने उक्त चलचित्रका प्रस्तुतकर्ता विश्वराम विष्टले जानकारी दिए । उनले चलचित्र निर्माणमा कुनै सम्झौता नगरिएको जानकारी दिँदै दर्शकको दृष्टिकोणबाट चलचित्र तयार गरिएको बताए ।

अङ्गिरा थापा कार्यकारी निर्माता रहेको उक्त चलचित्रमा भूपेन्द्रकुमार खड्का, सागर पुरी र सुरेश गिरी सहनिर्माताका रूपमा रहेका छन् ।

सम्बन्धित समाचार

‘मुटु फलाम भएर’ कविता कृति लोकार्पण अन्तर्राष्ट्रिय बजारमा चलचित्र ‘पेन्सन पट्टा’ ‘हली’ टिजरमा महिनावारी पीडा विदेशमा नेपाली चलचित्रको कमाई स्वदेश भित्राउन चोर बाटो नेपालमा एनिमेसन चलचित्रको छुट्टै महोत्सव हुँदै वायोपिकमा अग्रज कलाकार ‘मदनकृष्ण’ ७ दिवसीय छायांकन कार्यशाला गोष्ठी सम्पन्न चलचित्र अध्यापन कलेजबिच नाटक घरको प्रतिस्पर्धा