एशियन युथ चेसमा सहभागी हुन नेपाली टोली चिन प्रस्थान

राजधानी समाचारदाता
२०८३ असार ३० गते १८:०९

काठमाडौं । नेपाल बुद्धिचाल महासंघको पहलमा जुलाई १५ देखि २५ सम्म चीनको सेनजेनमा आयोजना हुने २८औँ एसियन युथ चेस च्याम्पियनसिप २०२६ मा सहभागी हुन नेपाली युवा बुद्धिचाल टोली सोमबार चीन प्रस्थान गरेको छ ।

प्रतियोगितामा नेपालका सिएम पुरुषोत्तम सिलवाल, आयुष भण्डारी, अग्रिम शैंजु, श्रेषा दुवाल र निहाना श्रेष्ठले प्रतिस्पर्धा गर्नेछन्। टोलीलाई नेपाल बुद्धिचाल महासंघका अध्यक्ष हेराकाजी महर्जन र महासंघका प्रवक्ता राजु ताम्राकारले बिदाइ गरेका हुन् ।

टोलीका सदस्य सिएम पुरुषोत्तम सिलवालले केही समयअघि भारतमा सम्पन्न अन्तर्राष्ट्रिय प्रतियोगितामा एक ग्रान्डमास्टरलाई पराजित गर्दै उल्लेखनीय सफलता हासिल गरेका थिए। त्यस्तै, निहाना श्रेष्ठले काजकिस्तानमा सम्पन्न प्रतियोगिताको व्यक्तिगत स्पर्धामा नेपालका लागि अन्तर्राष्ट्रिय रजत पदक जितेकी थिइन् ।

महासंघकी केन्द्रीय सदस्य निता श्रेष्ठ शैंजुको व्यवस्थापकीय नेतृत्वमा टोलीले १० दिनसम्म सञ्चालन हुने प्रतियोगितामा नेपालको प्रतिनिधित्व गर्नेछ।

बिदाइ कार्यक्रममा महासंघका अध्यक्ष हेराकाजी महर्जनले पछिल्लो समय नेपाली युवा तथा सिनियर बुद्धिचाल खेलाडीहरूले अन्तर्राष्ट्रिय प्रतियोगितामा निरन्तर सहभागिता जनाउँदै नेपालको उपस्थिति सुदृढ बनाइरहेको बताए ।

त्यसैगरी, त्रिभुवन अन्तर्राष्ट्रिय विमानस्थलमा अभिभावकसँग कुरा गर्दै महासंघका प्रवक्ता राजु ताम्राकारले खेलाडीहरूको विदेश यात्राका क्रममा कहिलेकाहीँ मानव तस्करीसँग सम्बन्धित आशंका उठ्ने गरेको उल्लेख गर्दै हालसम्म अन्तर्राष्ट्रिय प्रतियोगितामा सहभागी भएका सबै नेपाली चेस खेलाडी सुरक्षित रूपमा स्वदेश फर्किएको जानकारी दिए ।

ताम्राकारले एशियालि स्तरको प्रतियोगितामा नेपालको सहभागिताले युवा खेलाडीहरूलाई अन्तर्राष्ट्रिय अनुभव हासिल गर्ने तथा भविष्यमा ठूला प्रतियोगिताका लागि थप आत्मविश्वास प्राप्त हुने अपेक्षा गरिएको बताए ।

तपाइको प्रतिक्रिया

(Visited 13 times, 1 visits today)

epaper

प्रमुख

श्रृङ्गेश्वर धाममा एक महिना पुष्करिणी स्नान महोत्सव हुँदै

मौसम बदलीसँगै देशभर विपद्को जोखिम

उग्रतारा–मेलौली सडक कालोपत्रेले बदल्यो अजयमेरुको चमडा

बझाङमा जिप दुर्घटना हुँदा ३ जनाको मृत्यु, ५ जना गम्भीर घाइते

ताजा समाचार

संविधानसभाका ३ सदस्यलाई दोषी ठहर गर्ने जिल्ला अदालतको निर्णय सदर

काठमाडौं । हातमा प्राय बन्दुक बोक्नु पर्ने, क्यामेराको अगाडी बिँडी सल्काएर कस लिँदै धुवाँ फालेर बोल्नु पर्ने चरित्र अभिनेत्री रेखा थापाको लागि नयाँ थियो । छायांकनको क्रममा टेक लिँदा लिँदै ...

काठमाडौं । अविरल वर्षासँगै पहिरोको जोखिम बढेपछि काठमाडौं उपत्यकाबाट बाहिरिने सबै प्रमुख नाकामा सवारी आवागमन बन्द गरिएको छ। बसपार्क, नागढुंगा, साँगा र फर्पिङ हुँदै सञ्चालन हुने लामो दूरीका सार्वजनिक सवारी ...

काठमाडौं । जेनजी आन्दोलनको ११ महिनापछि सरकारले आन्दोलनका शहीद परिवार र घाइतेका लागि पुनस्र्थापना, जीवनयापन र सामाजिक सुरक्षासम्बन्धी २४ बुँदे एकीकृत प्याकेज ल्याएको छ । जेनजी आन्दोलन पढाउनेदेखि सरकारी जागिरसम्मका ...

काठमाडौं । राष्ट्रिय स्वतन्त्र पार्टीले विभिन्न सञ्चारमाध्यमका कार्यालय बाहिर पहिचान नखुलेका सवारीसाधनहरू शंकास्पद रूपमा राखिएको र यस सम्बन्धमा आमसञ्चारमाध्यममा प्रकाशित समाचारहरूप्रति गम्भीर ध्यानाकर्षण भएको जनाएको छ। महामन्त्री विपिन आचार्यले विज्ञप्ति ...

चितवन । बोटे परिवारका चार जनाको चितवन राष्ट्रिय निकुञ्जको जंगली ध्रुवे हात्तीको आक्रमणबाट अकालमा निधन भएपछि हात्तीको स्वभावका विषयमा बहस सुरु भएको छ। विज्ञहरूले हात्तीले रिस साँध्ने भए पनि कति ...