काठमाडौं । मंगलवार ललितपुरको लविम मल स्थित क्युएफएक्स सिनेमामा चलचित्र ‘मास्टर्नी’को गीतको प्रिमियर थियो । यो गीतका रचनाकार, संगीतकार र गायक दुर्गेश थापा थिए । समारोहमा चलचित्र ‘मास्टर्नी’की अभिनेत्री एवम् निर्माता प्रियंका कार्की मञ्चमा थिइन् । समारोहमा प्रवेश गर्नासाथ गायक तथा मोडल दुर्गेश थापाले प्रियंकाको शिरमा तीन ढाकी फुल गुच्छा खन्याए ।

फुल गुच्छाले आफूमाथि वर्षा गरेको दृश्य अभिनेत्री प्रियंकालाई निकै रमाइलो लाग्यो । चलचित्रको गीत प्रिमियरमा बधाई दिने दुर्गेशको यो नयाँ तरिका सबैलाई रमाइलो लाग्यो । कार्यक्रममा दुर्गेशले यो तरिका’bout भने,‘मेरो प्रिय साथीले चलचित्र निर्माण गरेका कारण कसरी बधाई दिने भन्ने ’bout यो नयाँ तरिका फु¥यो । त्यसैले तीन डालो फुलले शिरदेखि पाउसम्म वर्षा गराएर यो बधाई दिएको हुँ । ’

अभिनेत्री प्रियंकालाई चलचित्र ‘मास्टर्नी’को लागि गीतकार संगीतकार एवम् गायक दुर्गेशले शीर्ष गीत ‘मास्टर्नी’ उपहार दिएका हुन् । सम्पूर्ण खर्चमा गीत तयार गरेर चलचित्रको लागि नयाँ गीत दुर्गेशले दिँदा अभिनेत्री प्रियंका भावुक भइन् । यो गीत रेकर्ड र यसको भिडियो तयार गर्न करिब ८ लाख रुपैयाँ खर्च भएको उनीहरूको कथन छ । यति मात्र हैन, एउटा कन्सर्टको दुई लाख रुपैयाँ पारिश्रमिक लिने दुर्गेशले प्रियंकाको चलचित्र ‘मास्टर्नी’को प्रचारका लागि मोफसलका आधा दर्जन सहरमा गरिने कन्सर्टमा यो गीत विना पारिश्रमिक प्रस्तुत गर्नेछन् । जसमा उनले करिब १२ लाख रुपैयाँ पारिश्रमक पाउने कन्सर्ट निःशुल्क गर्ने घोषणा गरेका छन् ।

समारोहमा अभिनेत्री एवम् निर्माता प्रियंकाले भनिन्,‘जीवनमा मलाई दुर्गेशको धेरै गुण छ, त्यसैले दुर्गेशको लागि ज्यान दिन सक्दिन, त्यो बाहेक जे पनि सहयोग गर्न म तयार रहने छु ।’

अभिनेत्री प्रियंका कार्की र गायक एवम् मोडल दुर्गेश थापाका यस अघि ‘दुस्मन हेरेको हे¥यै’ गीतबाट सहकार्य भएको थियो । सो गीतको लागि प्रियंकाले आफूलाई पूर्ण रूपमा सहयोग गरेको गायक दुर्गेशले बताए । हालसम्म १७ करोड भन्दा बढी पटक युट्युबमा हेरिएको यो गीतले आफूलाई युट्युबको ग्लोबल ट्रेन्डिङमा पु¥याएको पनि गायक दुर्गेशले स्मरण गरे । यो गीतको भिडियो सुपर हिट हुनुमा प्रियंकाको पनि त्यत्तिकै ठुलो योगदान रहेको उनको कथन थियो । सोही कारण यति बेला चलचित्र चलचित्र ‘मास्टर्नी’को लागि आफूले प्रियंकाले शीर्ष गीत नै तयार गरेको दिएको उनले स्पष्ट पारे ।

आगामी ५ भदौमा रिलिज हुने प्रियंकाको यो चलचित्रको ‘प्रोमोसन गीत’को रूपमा दुर्गेश थापा अफिसियल च्यानलबाट यो गीत रिलिज गरिएको छ । गीतमा दुर्गेशलाई बबिना किरातीले स्वरमा साथ दिएकी छिन् ।

गीतको भिडियोमा प्रियंका कार्कीसँगै, दुर्गेश थापा, आयुष्मान जोशी, आर्यन सिग्देलको अभिनय रहेको छ । जसमा पवन सुस्लिङको छायांकन, सम्पादन रहेको छ । गीतको भिडियोलाई प्रदीप लामाले कोरियोग्राफी तथा निर्देशन गरेका हुन् । यो चलचित्रमा प्रियंका कार्कीसँगै, सरोज खनाल, गौरी मल्ल, आर्यन सिग्देल, विशाल पहारी, प्रमोद अग्रहरी, रक्षा थापा, सिम्रन खड्का, अनुप विक्रम शाही, दिनेश काफ्लेलगायतका कलाकारको अभिनय छ ।

सम्बन्धित समाचार

‘सुरिलो रुख’लाई ४ लाख पुरस्कार जाँच समितिले किन हटायो धुमपान र मद्यपानका सचेतना ? मौलिक गीत बिगार्ने ९५ वटा युट्युब च्यानल विरुद्ध उजुरी चलचित्र निर्माणमा उत्रिए यी संगीतकार तेस्रो ‘अन्तरराष्ट्रिय नेपाली फिल्म अवार्ड’ नेपालमा हुने एउटा ‘अग्र्यानिक’ चरित्रमा रेखाको अनुभव मूल्य घटेपछि पेट्रोलियम पदार्थको अभाव, निगमले खटायो तीन टोली हनुमान नाचः तीन शताब्दीको सांस्कृतिक हुङ्कार