खोटाङ । जिल्ला कारागार खोटाङमा कैद भुक्तान गरिरहेका एक कैदीको सुतेकै अवस्थामा मृत्यु भएको छ । सवारी ज्यान मुद्दामा दिक्तेल मुडेस्थित जिल्ला कारागारमा कैद भुक्तान गरिरहेका साकेला गाउँपालिका–४ मात्तिम पारुङका २३ वर्षीय निसान राईको मृत्यु भएको हो ।

असार ३० गते बेलुकाको खाना खाएपछि सुतेका राई मध्यराति बेहोस अवस्थामा भेटिएको कारागारका सूचना अधिकारी कपिन्द्र कठायतले जानकारी दिए ।

बेहोस अवस्थामा भेटिएपछि उनलाई राति नै जिल्ला अस्पताल पुर्याइएकामा अस्पतालले तत्कालै मृत घोषणा गरेको थियो । अस्पताल ल्याइपुर्याउँदा कैदीको मृत्यु भइसकेको जनाउँदै अस्पतालका डा पुष्कल राईले भने, “मृत्युको कारण खुलेको छैन, शव परीक्षणपछि मात्रै थाहा हुन्छ ।”

मृतक राई सवारी ज्यान मुद्दामा दुई वर्षका लागि जेल परेका थिए । जरिवाना तिरेको खण्डमा उनी आगामी साउन ११ गते जेलमुक्त हुनसक्ने अवस्था रहेको थियो ।

सम्बन्धित समाचार

हनुमान नाचः तीन शताब्दीको सांस्कृतिक हुङ्कार इन्धनको मूल्य घटेपछि सस्तियो हवाइ भाडा पूर्वी नेपालमा विपद् प्रतिकार्यमा सेनाको तयारी पूरा पूर्वी नेपालको पर्यटन पर्वद्धनमा महिला व्यवसायी सक्रिय कर्णालीका ४६ स्थानीय तहमा मौसम मापन केन्द्र साना नदीमा आकस्मिक बाढीको पूर्वानुमान तीनढ्वाङ्गे पुलबाट जोखिमपूर्ण यात्रा टीकापुर उद्यानमा पर्यटकको आकर्षण