धनगढी । सुदूरपश्चिम प्रदेशका मुख्यमन्त्री कमलबहादुर शाहले नेपाली कांग्रेसको सक्रिय सदस्यता अध्यावधिक गरेका छन् । कांग्रेसभित्र शेरबहादुर देउवा पक्षसँग निकट मानिने शाहले कैलालीको लम्कीचुहा नगरपालिका–१ बाट आफ्नो सक्रिय सदस्यता नवीकरण गरेका हुन् ।

कांग्रेस स्रोतका अनुसार उनले साउन ३ गते नै सदस्यता अध्यावधिक गरेका थिए । उनको सक्रिय सदस्यता (एनसीआईडी) ७६३७४९१ रहेको छ । कांग्रेसले सक्रिय सदस्यता अध्यावधिकको समयसीमा पटक–पटक थप्दै गएपछि शाहले सोमबार प्रक्रिया पूरा गरेका हुन् ।

शाह विशेष महाधिवेशनबाट निर्वाचित कार्यसमितिको वैधानिकतामाथि प्रश्न उठाउने नेतामध्ये एक थिए । अदालतको निर्णयपछि भने उनले गगन थापालाई सभापतिका रूपमा स्वीकार गरेको बताएका थिए ।

यसअघि गगन थापाको उपस्थितिमा आयोजित एक कार्यक्रममा मुख्यमन्त्री शाहले पार्टीका निवर्तमान सभापति तथा पूर्वप्रधानमन्त्री शेरबहादुर देउवाको भूमिका र योगदान’bout पार्टीले स्पष्ट धारणा बनाउनुपर्ने बताएका थिए । उनले कांग्रेसभित्र सबै पक्षलाई सम्मानजनक स्थान दिँदै संगठनलाई एकताबद्ध बनाएर अघि बढ्नुपर्ने धारणा पनि व्यक्त गरेका थिए ।

कांग्रेसभित्र पार्टी विभाजनको चर्चा चलिरहेका बेला मुख्यमन्त्री शाहले सक्रिय सदस्यता अध्यावधिक गरेकाले यसलाई राजनीतिक रूपमा अर्थपूर्ण कदमका रूपमा हेरिएको छ ।

सम्बन्धित समाचार

पौडेललाई फेरि पाँच दिन हिरासतमा राख्न म्याद थप १८औं वरियताका कार्की बने मुख्यसचिव ६७ जिल्लाका २४ हजार पीडितलाई ‘न्याय दिने’ प्रतिवेदन कार्यान्वयनमा माजिद अन्सारी अस्पतालबाट डिस्चार्ज महिला उद्यमीका समस्या समाधान गर्न सरकार प्रतिबद्ध छः प्रधानमन्त्री शाह सिंहदरबारमा मन्त्रिपरिषद् बैठक सुरु मुख्यमन्त्री कँडेलविरुद्ध अविश्वास प्रस्ताव दर्ता सङ्घीय सांसदलाई सम्पत्ति विवरण बुझाउन आग्रह