धनगढी । धनगढी उपमहानगरपालिकाभित्रका भूमि प्रशासनसम्बन्धी सेवा अब धनगढी उपमहानगरपालिकाबाटै सञ्चालन हुने भएको छ।

नापी कार्यालय कैलालीले सोमबार सूचना जारी गर्दै धनगढी उपमहानगरपालिकाको पत्रअनुसार साउन ६ गते अर्थात् आज बुधबारदेखि यी सेवाहरू नगर कार्यपालिकाबाट उपलब्ध गराइने जनाएको हो ।

सूचनाअनुसार नापी कार्यालयको कार्यक्षेत्रअन्तर्गत पर्ने धनगढी उपमहानगरपालिकाका वडा नं. १ देखि १९ सम्मका लागि नक्सा प्रिन्ट, कित्ता काट, कित्ता एकीकरण, फिल्ड रेखाङ्कन तथा नक्सा अद्यावधिक लगायतका सेवा अब उपमहानगरपालिकाको कार्यालयबाटै पाइनेछ ।

नापी कार्यालयले सम्बन्धित सबै सेवाग्राही तथा सरोकारवालालाई आवश्यक कामका लागि साउन ६ गतेदेखि धनगढी उपमहानगरपालिकाको कार्यालयमा सम्पर्क गर्न अनुरोध गरेको छ ।

यस व्यवस्थासँगै स्थानीय तहबाटै सेवा प्रवाह हुने भएकाले सेवाग्राहीलाई सहज, छिटो र प्रभावकारी सेवा उपलब्ध हुने अपेक्षा गरिएको छ ।

सम्बन्धित समाचार

कनरी–फूलबारी चक्रपथमा २१० स्मार्ट सडक बत्ती जडान वन संरक्षणसँगै आयआर्जनमा सघाउँदै मध्यवर्ती सामुदायिक वन उग्रतारा–मेलौली सडक कालोपत्रेले बदल्यो अजयमेरुको चमडा टीकापुर उद्यानमा पर्यटकको आकर्षण सुदूरपश्चिममा बजेट विवाद : उत्कर्षमा मुख्यमन्त्री शाहद्वारा एमालेका चार मन्त्री बर्खास्त दुई वर्षपछि घर फर्किइन् बन्दना, निसर्ग अस्पतालले गर्‍यो ३१ लाख ५७ हजार उपचार खर्च मिनाहा अल्पमतका मुख्यमन्त्री शाहका निर्णायक २७ दिन ‘डिजिटल’ पहिचान प्रणालीप्रति नागरिकको आकर्षण बढ्दै