काठमाडौं । सरकारले काठमाडौं उपत्यकाका नदी किनाराबाट हटाइएका सुकुम्बासीलाई गृहजिल्ला फर्काउने भएको छ । आज एक सूचना जारी गर्दै भूमि समस्या समाधान समितिले होल्डिङ सेन्टरमा रहेका सुकुम्बासीहरूलाई सम्बन्धित जिल्ला समिति वा पालिकामा सम्पर्क गर्न भनेको छ ।

भूमि व्यवस्था, सहकारी, संघीय मामिला तथा सामान्य प्रशासन मन्त्रालयको निर्णयअनुसार अधिकार सम्पन्न बागमती सभ्यता एकीकृत विकास समितिले संकलन गरेको डिजिटल विवरणका आधारमा पहिचान भएका २९ परिवारलाई जग्गा व्यवस्थापनका लागि सम्पर्क गर्न भनिएको हो ।

समितिका अनुसार ती परिवारको डिजिटल विवरण, निवेदन तथा आवश्यक कागजातसहितका फाइल सम्बन्धित जिल्ला समितिमा पठाइसकिएको छ।

समितिले सार्वजनिक गरेको विवरणअनुसार हाल बनेपास्थित रेडक्रस तालिम केन्द्र, कीर्तिपुरस्थित राधास्वामी सत्संग, नगरकोटस्थित खानेपानी तालिम केन्द्र र बोडेस्थित कृषि तालिम केन्द्रमा रहेका २९ परिवारलाई गृहजिल्लामा व्यवस्थापनका लागि प्रक्रिया अघि बढाइएको हो।

होल्डिङ सेन्टरमा रहेका परिवारमध्ये सिन्धुली, सर्लाही, काठमाडौँ, सुनसरी, धनकुटा, मोरङ, सिन्धुपाल्चोक, महोत्तरी, झापा, भोजपुरलगायत जिल्लाका स्थायी बासिन्दा रहेका छन्।

सम्बन्धित समाचार

गणेश नेपालीको अवस्था गम्भीर र अस्थिर छ : वीर अस्पताल रहेनन् आफ्नै शरीरमा आगो लगाएका गणेश नेपाली उद्यमी अस्मिनकुमार राउतद्वारा आत्मदाहको प्रयास बुद्धनगरमा आत्मदाहको प्रयास गरेका उद्यमी राउतको निधन गणेश आत्मदाह प्रकरणः महानगरले गर्‍यो क्षतिपूर्ति र रोजगारीको ग्यारेन्टी बौद्धमा महिलाद्वारा आत्मदमाह प्रयास, कीर्तिपुरस्थित बर्निङ अस्पतालमा उपचार जारी घरायसी विवादपछि बन्जिसाइड भिरबाट हाम फाले युवक, सशस्त्र प्रहरीद्वारा १३० मिटर तलबाट शव निकालियो पौडेललाई फेरि पाँच दिन हिरासतमा राख्न म्याद थप