काठमाडौँ । नेपाली काँग्रेसका संसदीय दलका नेता भीष्मराज आङ्देम्बेले काँग्रेसले तीनै तहका पुस्तालाई सम्मान गरेर अघि बढ्न सक्नुपर्ने बताएका छन् ।

काँग्रेस चितवनले ४४ औँ बिपी स्मृति दिवसका अवसरमा आज यहाँ आयोजना गरेको ‘लोकतन्त्रका चुनौती र हाम्रो जिम्मेवारी’ विषयक विचार गोष्ठी तथा जरा अभियान २०८३ को समापन कार्यक्रममा उनले लोकतन्त्रको रक्षाका लागि काँग्रेसले अग्रज, समकालीन र जेन जेड पुस्तालाई सम्मान गरेर अघि बढ्नुपर्ने बताए ।

उनले भने, “अहिलेको नेतृत्वले तीन पुस्ताको सम्मान गरेर लोकतन्त्रको रक्षाका लागि लड्ने समय आएको छ ।”

बिपी विचारलाई सम्मान गर्दै बिपीका मार्गअनुसार अघि बढ्दै जनताको भावनाअनुसार काम गर्न आवश्यक रहेको उहाँको भनाइ थियो । लोकतन्त्रको दीपलाई सबैले जोगाउनुपर्ने भन्दै उनले काँग्रेस हुनुको पहिचान गुमेको जस्तो पाटोबाट उठाएर काँग्रेसले पुर्नजीवन दिन जरुरी रहेको बताए ।

कार्यक्रममा नेपाली काँग्रेस बागमती प्रदेशका सभापति एवं बागमती प्रदेशका मुख्यमन्त्री इन्द्रबहादुर बानियाँ, नेपाली काँग्रेसका नेता डा केदारनरसिंह केसी, राष्ट्रियसभा सदस्य गीता देवकोटालगायतले बिपीको विचार अनुसरण गर्न पछि पर्दा काँग्रेसमा अहिलेको अवस्था आएको बताए । उनहरूले काँग्रेस बलियो बनाउन बिपीको मार्ग दर्शलाई अंगीकार गर्नुपर्ने बताए ।

सो अवसरमा प्रजातान्त्रिक विचार समाज चितवनका सचिव डा. केशबराज चालिसेले बिपी कोइरालाको समग्र व्यक्तित्व र वामपन्थी बुद्धिजीवी रमाकान्त सापकोटाले बिपी कोइरालाको राजनीतिक व्यक्तित्वका ’boutमा आफ्ना विचार राख्नुभएको थियो ।

काँग्रेस चितवनका सभापति राजेश्वर खनालको अध्यक्षतामा सम्पन्न कार्यक्रममा प्रजातन्त्र सेनानी संघले सहिद बुद्धिसिंह रानाको छोरी लक्ष्मी आलेलाई नगदसहित सम्मान गरेको थियो ।

सम्बन्धित समाचार

संसदमा राजेन्द्र राईको अभिव्यक्तिपछि विवाद प्रसाईंलाई कार्यक्रम गर्न किन रोक्यो प्रहरीले ? सिंहदरबार दक्षिण गेटमा दुई युवतीमाथि प्रहरीको लछार–पछार संसदमा एमालेको भूमिका प्रभावकारी बनाउन सांसदलाई प्रशिक्षण प्रधानमन्त्रीले पुँजी बजार र बीमा क्षेत्रका सरोकारवालासँग छलफल गर्दै ‘बिदामा रहेका कर्मचारी कार्यालयमा अनिवार्य हाजिर हुनुपर्ने’ वीपी स्मृति दिवसमा कांग्रेसको ‘ग्रीन रन’, गगन थापाले गरे शुभारम्भ प्रधानमन्त्रीले बोलाए हस्तकला महासंघका प्रतिनिधि