काठमाडौं । अख्तियार दुरुपयोग अनुसन्धान आयोगले आन्तरिक राजस्व कार्यालय लहान, सिरहाका कर अधिकृत युवराज पाललाई ५ लाख रुपैयाँ घुस रकमसहित पक्राउ गरेको छ । आयोगको बर्दिबास कार्यालयबाट खटिएको टोलीले उनलाई बिहीबार बिहान घुस रकमसहित रंगेहात पक्राउ गरेको हो ।
अख्तियार दुरुपयोग अनुसन्धान आयोग बर्दिबासका कार्यालय प्रमुख रामबहादुर कुरुम्वाङका अनुसार, कार्यालयमै ५ लाख रुपैयाँ घुस बुझ्ने क्रममा उनलाई पक्राउ गरिएको हो ।
सिरहा सुपर मार्केट प्रालिको आर्थिक वर्ष २०७८÷७९ को पूर्ण कर परीक्षण (फूल अडिट) गर्ने क्रममा अधिकृत पालले आफूभन्दा माथिका कर अधिकृत प्रकाश राईसहित अन्य व्यक्तिलाई समेत मिलाउनुपर्ने भन्दै सो रकम घुस लिएको जनाइएको छ ।
अख्तियारले यस विषयमा थप अनुसन्धान गरिरहेको जनाइएको छ ।
तपाइको प्रतिक्रिया
(Visited 57 times, 1 visits today)
सम्बन्धित समाचार
कानुनभन्दा माथि छन् महानगर प्रहरी
‘आक्रोशको आगो’ मा सदाका लागि जले नेपाली
आज यी प्रदेशमा भारी वर्षाको सम्भावना
सहकारी र निजी क्षेत्र पनि अख्तियारको दायरामा
सरकारी विज्ञापन वितरणसम्बन्धी एकद्वार नीति सर्वोच्च अदालतबाट बदर
उद्धारमा खटिने सशस्त्रका कर्मचारीलाई मासिकरूपमा तलबको १५ प्रतिशत भत्ता र खटिएको दिनमा ५ सय उच्च जोखिम भत्ता
अमेरिकी राष्ट्रपति ट्रम्प हत्या योजनावारे इजरायलसँग नयाँ सूचना
बैंककको एक बारमा आगलागी हुँदा २७ जनाको मृत्यु
