सप्तरी । जिल्ला प्रशासन कार्यालय सप्तरीले जिल्लाको राजविराज क्षेत्रमा पनि अनिश्चितकालीन कर्फ्यु आदेश जारी गरेको छ । सो कार्यालयले बिहीबार राति १० बजेदेखि बोदेबरसाइन क्षेत्रमा कर्फ्यु जारी गरेकोमा आज बिहान ८ बजेदेखि राजविराज क्षेत्रमा पनि कर्फ्यु जारी गरेको हो ।
प्रमुख जिल्ला अधिकारी श्यामकृष्ण थापाले जिल्ला सुरक्षा समितिको निर्णयअनुसार शुक्रबार बिहान ८ बजेदेखि अर्को आदेश नभएसम्मका लागि राजविराज क्षेत्रमा कर्फ्यु आदेश जारी गरिएको बताए ।
प्रमुख जिल्ला अधिकारी थापाद्वारा जारी आदेशमा कर्फ्युको उल्लंघन हुने कुनै पनि गतिविधि गरे, गराए वा गराइएको पाइएमा प्रचलित कानुनबमोजिम कारबाही गरिने उल्लेख छ ।
कर्फ्यु लागू गरिएको क्षेत्रको पूर्वी सीमा खाँडो खोला, पश्चिममा हुलाकी राजमार्गअन्तर्गत जमुनी–थलही, उत्तरमा रुपनी रोडस्थित बसविट्टी चोक र दक्षिणमा कोशी पश्चिम मूल नहरसम्म रहेको छ ।
जल्ला प्रशासन कार्यालयले सर्वसाधारणलाई कर्फ्यु आदेशको पूर्ण पालना गर्न तथा शान्ति–सुरक्षा कायम राख्न सहयोग गर्न आग्रह गरेको छ ।
बोदेबरसाईन नगरपालिकामा बिहीबार राति १० बजेदेखि नै अनिश्चितकालीन कर्फ्यु लागू गरिएको छ । कफ्र्यु आदेशको प्रभावकारी कार्यान्वयनका लागि नेपाली सेनाले गस्ती गरिरहेको छ ।
सुनसरीको देवानगञ्जमा दुई पक्षबीच भएको झडपले उग्ररूप लिएपछि त्यसको प्रभाव सप्तरीमा समेत देखिन थालेको छ ।
सम्बन्धित समाचार
मनसुनको प्रभाव बढ्यो, विभिन्न प्रदेशमा भारी वर्षाको सम्भावना
आज केही स्थानमा भारी वर्षाको सम्भावना
स्मार्ट टेलिकममा ‘स्मार्ट छलछाम’ : स्मार्ट सेल लिलाम प्रक्रियामा एनसेलका कर्मचारीले नै उठाए प्रश्न
पीआर लिएका दुई नापी अधिकृतलाई कारबाही सिफारिस
बागमती प्रदेशभित्र चल्ने सार्वजनिक यातायातको घटेन भाडा
‘वैज्ञानिक सेवा शुल्क नतोकिए श्रमिक पठाउन बन्द गर्छौं’
राष्ट्रिय परिचयपत्रको सिस्टम खरिदमा कानुनी प्रश्न
एकै व्यक्तिले गरे झण्डै दुई अर्ब रुपैयाँबराबरको हुण्डी कारोबार, बैंकिङ कारोबार विश्लेषणपछि पक्राउ
