संखुवासभा । संखुवासभामा २ सय २० केभी प्रसारण लाइन आयोजनाले वन क्षेत्रको जग्गा प्रयोग गरेबापत सट्टाभर्ना जग्गा उपलब्ध गराएको छ । नेपाल विद्युत् प्राधिकरणको तुम्लिङटार–सितलपाटी २ सय २० केभी प्रसारण लाइन आयोजनाले वन क्षेत्रको जग्गा प्रयोग गरेबापत डिभिजन वन कार्र्यालय संखुवासभालाई सट्टाभर्ना जग्गा उपलब्ध गराएको हो ।

प्रसारण लाइन तथा टावर निर्माणका लागि प्रयोग गरिएको राष्ट्रिय वन क्षेत्रको क्षतिपूर्तिस्वरूप आयोजनाले जग्गा खरिद गरी सरकारको नाममा हस्तान्तरण गरेको छ ।

नेपाल विद्युत् प्राधिकरणको तुम्लिङटार–सितलपाटी २ सय २० केभी प्रसारण लाइन आयोजनाले वन क्षेत्रको जग्गा प्रयोग गरेबापत खरिद गरिएको २८.४८ हेक्टर सट्टाभर्ना जग्गा उपलब्ध गराएको डिभिजन वन कार्यालय सङ्खुवासभाका सूचना अधिकारी अधिकारी डम्बर भण्डारीले बताउनुभयो । आयोजनाले खाँदबारी नगरपालिका–९, ८, २ र १० मा रहेको राष्ट्रिय वन क्षेत्रको २८.८४ हेक्टर जग्गा प्रयोग गरेको थियो ।

प्रसारण लाइन आयोजनाले पाँचखपन नगरपालिका–४ मा रहेका ७१ वटा कित्ताको २८. ८४ हेक्टर जग्गा खरिद गरेर हस्तान्तरण गरेको सूचना अधिकारी भण्डारीले बताउनुभयो । आयोजनाले ७१ वटा कित्ताको जग्गा रजिष्ट्रेशन पास गरेर डिभिजन वन कार्यालयलाई केही दिन अघि हस्तान्तरण गरेको हो ।

त्यस्तैगरी मकालु गाउँपालिका—५ मा निर्माण हुन लागेको २४ दशमलव ९२ मेगावट क्षमताको इन्दुवाखोला जलविद्युत आयोजनाले रुख कटान बापत दुई करोड ५२ लाख २५ रुपैयाँ राजश्व तिरेको छ । मकालु —५ मा निर्माण हुन लागेको २४ दशमलव ९२ मेगावट क्षमताको इन्दुवाखोला जलविद्युत आयोजनाले स्याहार, संभार र व्यवस्थापनका लागि दुई करोड बढी राजश्व तिरेको हो ।

इन्दुवाखोला जलविद्युत आयोजनाले पुनरुत्पादनको पाँच बर्षसम्म स्याहार, संभार र व्यवस्थापनका लागि दुई करोड ५२ लाख २५ हजार ४ सय ८४ रुपैयाँ राजश्व तिरेको वन कार्यालयका सूचना अधिकारी भण्डारीले बताउनुभयो । उक्त आयोजनामा ६ सय ७ वटा रुख कटान हुनेछन् । जिल्लामा सामुदायिक वनको सङ्ख्या २ सय ९० रहेका छन् । सङ्खुवासभामा ३८ हजार ४ सय ८५ वर्ग किलोमिटर क्षेत्र वनले ओगटेको छ ।

सम्बन्धित समाचार

श्रीमतीको हत्यापछि श्रीमानले गरे आत्महत्या झापा जिल्ला अदालतबाट ६० प्रतिशत मुद्दा फर्स्योट नागरिकका गुनासा सुन्दै गाउँटोलमा सांसद रानामगर चार दशकपछि अव्यवस्थित बसोबासीको हातमा लालपुर्जा खैरो हेरोइनसहित चार जना पक्राउ काँकडभिट्टा–लौकही सडक विस्तारले गति लियो रोगले थलिएका मुसहर परिवारको सहयोगले पलायो आशा