काठमाडौं । नेपाल फार्मेसी परिषद्को अध्यक्षमा डा. कादिर आलम नियुक्त भएका छन् । सरकारले छनोट प्रक्रियामार्फत आवेदन दिएका उम्मेदवारमध्येबाट डा. आलमलाई परिषद्को अध्यक्षमा चयन गरेको हो ।

नवनियुक्त अध्यक्ष आलमले बुधबार स्वास्थ्य तथा खाद्य स्वच्छता मन्त्री निशा मेहताको उपस्थितिमा पद तथा गोपनीयताको शपथ ग्रहण गरेका छन् ।

शपथ ग्रहण समारोहमा बोल्दै मन्त्री मेहताले फार्मेसी परिषद्लाई थप प्रभावकारी, पारदर्शी र उत्तरदायी बनाएर लैजानुपर्नेमा जोड दिइन् । उनले औषधि सेवाको गुणस्तर सुधार, फार्मेसी शिक्षाको नियमन, पेसागत मर्यादा कायम र जनविश्वास अभिवृद्धिमा परिषद्ले सक्रिय भूमिका निर्वाह गर्नुपर्ने भन्दै नवनियुक्त अध्यक्षलाई सोहीअनुसार काम गर्न निर्देशन दिइन् ।

अध्यक्ष आलमले परिषद्को गरिमा बढाउँदै फार्मेसी क्षेत्रको सुधार र नियमनमा प्रतिबद्ध भएर लाग्ने बताएका छन् ।

सम्बन्धित समाचार

शिक्षा र स्वास्थ्यमा लगाइएको अतिरिक्त कर फिर्ता शैक्षिक परामर्श व्यवसायमाथि धरौटीको व्यवस्था कायमै रहन्छ : शिक्षामन्त्री बागमती सफाइ महाअभियान ६८९औँ हप्तामा प्रवेश झापामा डेङ्गु सङ्क्रमितको सङ्ख्या घट्दो गेटा विश्वविद्यालयः एकातिर संशय, अर्कातिर उत्साह स्वास्थ्य बिमा बोर्डको अध्यक्षमा प्याकुरेल नियुक्त कक्षाकोठा छाडेर फेरि सडकमा आउँदै गुरूहरू ‘शनिश्चरे नगर अस्पताल मातृशिशु सुरक्षा केन्द्र’