काठमाडौं । जय नेपाल पार्टीका अध्यक्ष डा. धवलशमशेर जबराले आफूहरूले गठन गरेको नयाँ राजनीतिक दलले हिन्दु अधिराज्य, संवैधानिक राजसंस्थाको पुन:स्थापना र लोकतान्त्रिक प्रणालीलाई मुख्य राजनीतिक एजेन्डाका रूपमा अघि बढाउने बताएका छन् ।

काठमाडौँमा बिहीवार नवगठित जय नेपाल पार्टीको ’boutमा जानकारी दिन आयोजित पत्रकार सम्मेलनमा उनले यस्तो बताएका हुन् । उनले आफूहरूको पार्टीले सक्रिय राजसंस्थाको परिकल्पना नगरेको पनि स्पष्ट पारे ।

राजनीतिक हस्तक्षेप गर्ने राजसंस्था नभई अभिभावकीय, राष्ट्रिय एकता र राष्ट्र रक्षकको भूमिकामा रहने संवैधानिक राजसंस्थाको पुन:स्थापना गर्न चाहेको उनको भनाई छ । राणाले नेपालबाट हिन्दु राष्ट्रको व्यवस्था हटाउनु गलत निर्णय भएको दाबी गर्दै त्यसलाई शान्तिपूर्ण रूपमा सडक र संसदीय दुवै माध्यमबाट पुन:स्थापना गर्ने बताए ।

उनले राप्रपाबाट पार नलागेपछि राजसंस्था र हिन्दुराज्यको लागि आफूहरू नयाँ राजनीतिक यात्रामा निस्किएको बताए । उनले राप्रपाले ३७ वर्ष राजाको नाममा जनमत संकलन गरेपनि जनताले अवसर दिँदा आफ्ना मूल एजेण्डालाई कार्यान्वयन गर्न नसकेको दाबी गरे । ‘राष्ट्रिय प्रजातन्त्र पार्टीले ३७ वर्षसम्म राजाको नाममा भोट संकलन ग-यो । जब जब जनताले ठाउँमा पुर्याए, आफ्नो एजेण्डालाई अगाडि सारेन । नेताहरुको व्यक्तिगत स्वार्थमा एजेण्डाको तिलाञ्जली दिए’ उनले भने ।

पार्टी नेतृत्वले व्यक्तिगत स्वार्थका कारण एजेण्डालाई तिलाञ्जली दिएको उनको आरोप छ । अध्यक्ष राणाले राप्रपाको गतिविधिप्रति असन्तुष्टि जनाएर नै विगतको निर्वाचनमा राप्रपाका ९७ प्रतिशत उम्मेदवारको जमानत जफत भएको उनले बताए ।

‘राप्रपाबाट अब यो काम हुदैन, बिगतको निर्वाचनमा राप्रपाका ९७ प्रतिशत नेताहरुको जनताले जमानत जफत गरिदिए, अब एजेण्डै बिग्रिने भयो, सिदिने भयो र एउटा नरेटिभ के बन्न थाल्यो भने ९७ प्रतिशत जनताले राजा हिन्दु राष्ट्र बोकेको पार्टीलाई जमानत जफत ग¥यो, यो एजेण्डै सिद्दियो भन्ने जुन नरेटिभ बन्न गयो, त्यो एजेण्डालाई रेस्क्यु गर्नको लागी पनि हामि बाहिर निस्किएको हो’ उनले भने ।

राजतन्त्र र हिन्दु राष्ट्रको एजेण्डाप्रति जनताको वितृष्णा नभएपनि राप्रपाको गतिविधिप्रति जनताको असन्तुष्टि चुनावमा प्रकट भएको उनको दाबी छ । उनले निर्वाचन परिणामपछि राजा र हिन्दु राष्ट्रको एजेण्डा समाप्त भयो भन्ने भाष्य निर्माण हुन थालेकाले त्यसलाई जोगाउन जय नेपाल पार्टी स्थापना गरिएको बताए ।

सम्बन्धित समाचार

प्रधानमन्त्रीले आज निर्यातजन्य उद्योग–व्यवसायसँग आबद्ध व्यवसायीसँग छलफल गर्दै रास्वपामा मनोनयनको ‘महाभारत’ काँग्रेसका वरिष्ठ नेता गोपालमान श्रेष्ठको निधन कर्णालीको मुख्यमन्त्रीमा नेकपा नेता शाहीको दाबी पेस कर्णालीमा मंगलबहादुर शाहीले लिए मुख्यमन्त्रीको शपथ अझै देशको राजनीति सहज भइसकेको छैन : नेकपा संयोजक प्रचण्ड गोलबजारमा प्रदर्शनका क्रममा गोली लागेर युवकको मृत्यु हट्यो लहानमा लगाइएको कर्फ्यु, गोलबजारको भने यथावत्