काठमाडौं । नेपाल सरकारका दुई जना सचिवले कार्यकाल बाँकी रहँदै पदबाट राजीनामा दिएका छन् ।

सूचना तथा सञ्चार मन्त्रालयका सचिव डा. कमलप्रसाद पोखरेल र प्रधानमन्त्री तथा मन्त्रिपरिषद्को कार्यालयका सचिव बाबुराम अधिकारीले मंगलबार राजीनामा पेस गरेका हुन् ।

सञ्चार सचिव पोखरेलको सेवा अवधि एक वर्ष बढी बाँकी थियो । अर्का सचिव अधिकारी भने भदौ ४ मा अनिवार्य अवकाशमा जाँदै थिए ।

राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाहको नेतृत्वमा दुई तिहाइको सरकार बनेपछि निजामती कर्मचारीमा राजीनामाको लहर नै चलेको छ । यसअघि राजीनामा दिनेमा सहसचिवसम्म मात्र दिए ।

राजीनामा दिएका सञ्चार सचिव पोखरेलको सेवा अवधि एक वर्ष बढी बाँकी थियो । यसअघि उनी राष्ट्रिय तथ्यांक कार्यालयका प्रमुख तथ्यांक अधिकारी थिए । त्यहाँबाट सञ्चार मन्त्रालयमा सरुवा गरिएकोमा उनी असन्तुष्ट बनेका थिए । साउन १३ मा सञ्चार मन्त्रालय सरुवा भएका पोखरेलले दुई सातामै राजीनामा दिएका हुन् ।

यस्तै, सरकारले ५५ वर्ष उमेर पूरा भएका र ३० वर्षे सेवा अवधि पूरा भएका कर्मचारीहरूलाई अनिवार्य अवकाशमा पठाउने योजनासहित संघीय निजामती सेवा विधेयकको मस्यौदा अगाडि बढाएपछि कर्मचारीले धामाधम राजीनामा बुझाइरहेका छन् । बालेन शाहको नेतृत्वमा सरकार बनेपछि हालसम्म करिब एक दर्जन सहसचिव, तीन दर्जन उपसचिव र ठूलो संख्यामा अधिकृत र त्यसभन्दा तल्लो तहका कर्मचारीले राजीनामा दिइसकेका छन् ।

सम्बन्धित समाचार

गरिबी घटाउने लघुवित्त नै गरिबका ‘शत्रु’ प्रधानमन्त्री बालेन्द्र शाहले सुदूरपश्चिम प्रदेशका सांसदहरूसँग छलफल गर्दै विभिन्न २१ मुलुक र मिसनमा राजदूत नियुक्त गरिँदै ग्यासको अभाव छैन, तर अनावश्यक भण्डारण नगर्नु : नेपाल आयल निगम पूर्वाधारमन्त्री लम्सालले रोहिणीबाट मन्त्रालय चलाउने वर्षाले निम्त्यायो सडक अवरोध, विभिन्न राजमार्गमा यातायात प्रभावित वैद्यखानाले गति लिएकोमा पूर्वमन्त्री पौडेलद्वारा खुसी व्यक्त, सरकारलाई ६ बुँदे सुझाव प्रतिनिधिसभाको आजको बैठकमा प्रस्तुत हुँदैछन् यी चार विधेयक, चारवटा संसदीय समितिको बैठक पनि बस्दै