बारा । बारामा दुर्घटनामा परी जनमत पार्टीका केन्द्रीय सदस्यको मृत्यु भएको खबर प्रहरीले जनाएको छ । कलैया उपमहानगरपालिका–१४ लक्ष्मिनिया चोकमा मोटरसाइकल दुर्घटनामा परी जनमत पार्टीका केन्द्रीय सदस्य सुजित पाण्डेको मृत्यु भएको प्रहरीले जनाएको हो ।

बिहीबार राति करिब १० बजे बघवनबाट कलैयातर्फ आउँदै गरेको मधेस प्रदेश ०३–०२८ प ७१९६ नम्बरको मोटरसाइकल दुर्घटनामा परेको जिल्ला प्रहरी कार्यालय बाराका प्रवक्ता मिनबहादुर घलेले बताएका छन ।

दुर्घटना भएको खबर प्राप्त हुने बितिकै प्रादेशिक अस्पताल कलैयामा उपचारको लागि पठाईएको घलेले बताए । प्रारम्भिक अनुसन्धानबाट कलैया उपमहानगरपालिका–१४ का अन्दाजी ३५ वर्षीय पाण्डे रहेको उनले बताए ।

निजको अवस्था चिन्ताजनक रहेकोले थप उपचारको लागि विरगज स्थित बयोध्या अस्पताल पठाएक प्रहरी प्रवक्ताले बताए । अस्पतालका चिकित्सकले करिब १०:५० मा पाण्डेलाई मृत घोषित गरेको प्रवक्ता घलेले बताएका छन ।

निजको शव अस्पतालमा रहेको छ भने दुर्घटनामा परेको मोटरसाइकल प्रहरी नियन्त्रणमा रहेको उनले बताए ।

मृतक पाण्डे बारा क्षेत्र नम्बर ३(ख) का पूर्व प्रदेशसभा सदस्य पारसप्रसाद साहका स्वकीय सचिव समेत थिए। पछिल्लो समय उनी जनमत पार्टीका केन्द्रीय सदस्यका रूपमा सक्रिय राजनीति गर्दै आएका थिए । प्रत्येक समाजिक कार्यमा अग्र पंक्तिमा रहने पाण्डेको मृत्युले समाज शोकमा डुबेका छन ।

सम्बन्धित समाचार

उपभोक्ता कानून ल्याउन प्रदेश सरकारलाई नैतिक दवाव गरिमा हत्या प्रकरण: मध्यरातमा ५ बुँदे सहमतिपछि रोकियो आन्दोलन ब्रहमकुमारीद्वारा रक्तदानको आयोजना चोरीको मोटरसाइकल शाखा अधिकृतको घरबाट बरामद अमरिश १३ वर्षदेखि भारतमा वेपत्ता जापानिज इन्सेफ्लाइटिसः सप्तरी र कैलालीमा ४ जनाको मृत्यु कांग्रेसको अनुशाषन समितिको बैठक बस्दै, देउवा पक्षधरलाई होला त कारबाही ? शुभशेर राई स्मृति प्रतिष्ठानद्वारा शिक्षक, विद्यार्थी पुरस्कृत, चारजना सम्मानित