काठमाडौं । जेनजी आन्दोलनका क्रममा आगजनीबाट क्षतिग्रस्त भई बन्द भएको झापाको बिर्तामोडस्थित भाटभटेनी सुपर स्टोर आइतबारदेखि पुनः सञ्चालनमा आएको छ ।

आन्दोलनका क्रममा स्टोरमा आगजनी भएपछि भाटभटेनी बिर्तामोड लामो समयदेखि बन्द थियो । क्षतिग्रस्त संरचना पुनर्निर्माण तथा आवश्यक व्यवस्थापन पूरा गरेपछि कम्पनीले स्टोर नियमित रूपमा सञ्चालनमा ल्याएको हो ।
भाटभटेनी सुपर मार्केटका प्रमुख सञ्चालन अधिकृत पानु पौडेललका अनुसार आइतबारदेखि स्टोरले दैनिक रूपमा नियमित सेवा दिएको हो ।

कम्पनीले ग्राहकको सुविधालाई मध्यनजर गर्दै स्टोरमा आधुनिक सुविधा तथा गुणस्तरीय सेवा उपलब्ध गराउने जनाएको छ । स्टोर पुनः सञ्चालनमा आउन लागेको अवसरमा भाटभटेनीले ग्राहक, शुभेच्छुक तथा सरोकारवालाको साथ, सहयोग र विश्वासप्रति आभार व्यक्त गरेको छ ।

भाटभटेनी सुपर मार्केटका अध्यक्ष तथा प्रबन्ध निर्देशक मीनबहादुर गुरुङले आगामी दिनमा पनि ग्राहकको साथ र विश्वास निरन्तर रहने अपेक्षा व्यक्त गरेका छन् ।

आन्दोलनका क्रममा देशका विभिन्न स्थानमा निजी तथा व्यावसायिक प्रतिष्ठानमा तोडफोड र आगजनी भएको थियो । बिर्तामोडस्थित भाटभटेनी पनि त्यसबाट प्रभावित भएको थियो ।

सम्बन्धित समाचार

इलामका ग्रामीण बजारमा २८ दिनसम्म आएन ग्यास, थुप्रिए खाली सिलिन्डर सूर्योदयको एक अर्ब १८ करोड बजेट सार्वजनिक साउन महिनाको दोस्रो पाक्षिक करदाता प्रोत्साहन पुरस्कार आज घोषणा हुने, उपभोक्ताको सहभागितामा उछाल ३५० रुपैयाँको सामान किनेका उपभोक्ताले जिते १० लाख साउनमा ४० लाखभन्दा बढी सिलिन्डर ग्यास बिक्री, बजारमा अभाव उस्तै प्रधानमन्त्री कार्यालयको अनुरोध : खरिद प्रक्रियामा नेपाली उत्पादनलाई नै प्राथमिकता दिनूस् सिभिल सहकारी ठगी मुद्दा, अनुसन्धानको दायरामा प्रश्न सुनको मूल्य तोलामै बढ्यो ९ हजार ३०० रुपैयाँ, चाँदीको पनि वृद्धि