झापा । नेपालको पूर्वी नाका काँकडभिट्टामा सशस्त्र प्रहरी बलले ‘गोप्रो क्यामेरा’ जडान गरेको छ ।

सशस्त्र प्रहरी बल नेपाल नं २ गण हेडक्वाटर झापाले सीमा क्षेत्रको निगरानी, सूचना सङ्कलन तथा आपराधिक गतिविधि नियन्त्रणका लागि उच्च प्रविधिको ‘गोप्रो क्यामेरा’ जडान गरेको जनाएको छ ।

अवाञ्छित वा आपराधिक घटना घटेमा प्रत्यक्ष प्रमाण सङ्कलन गरी अनुसन्धानलाई पारदर्शी र प्रभावकारी बनाउन यो प्रविधि उपयोगी हुने विश्वास लिएको सशस्त्र प्रहरी उपरीक्षक सचिन कर्माचार्यले बताए ।

हाल गणले दुई थान ‘गोप्रो क्यामेरा’ सञ्चालनमा ल्याएको उनले जानकारी दिए । सीमा क्षेत्रमा हुने अवैध तस्करी, चोरी–निकासी तथा अन्य अपराध नियन्त्रणमा क्यामराको प्रयोगले सहयोग पुग्ने उनको विश्वास छ ।

सशस्त्र प्रहरीको प्रविधिमैत्री र सक्रिय परिचालनले सीमावर्ती क्षेत्रका बासिन्दामा सुरक्षाको अनुभूति बढाएको छ भने स्थानीय जनताले शान्ति–सुरक्षा कायम गर्न सशस्त्र प्रहरीलाई प्रत्यक्ष सहयोग गर्दै आएका छन् ।

सम्बन्धित समाचार

चामे–बेँसीसहर सडक अवरुद्ध कपिलवस्तुमा १२ करोड लगानीमा तेल उद्योग सञ्चालन वीरगञ्ज चिनी मिल सञ्चालनकाे तयारी नागढुंगादेखि भरतपुरसम्मको सडक बन्द बाढी पीडितको उद्धार र राहतका लागि निःशुल्क बससेवा बाढी पहिरोका कारण विभिन्न सडक अवरुद्ध, कतिपय राजमार्गमा राति सवारी साधन चलाउन रोक बिहान ९ बजेसम्म पहिरोले यी यी सडक छन् अवरुद्ध मन्त्रिपरिषदको आकस्मिक बैठक बस्दै