काठमाडौं । शुक्रबार दुई जनाको जीवित उद्धार गरेको ठाउँ त्रिशूली–३ ए जलविद्युत आयोजनामा नेपाली सेना र सशस्त्र प्रहरीसहितको उद्धार टोलीले उद्धार जारी राखेको छ ।

नेपाल विद्युत प्राधिकरणका इलेक्ट्रिकल सुपरभाइजर संजोग केसीसहितको नेपाल सेना र सशस्त्रको टोली त्यहाँ फसेका थप जनशक्तिको उद्धारका लागि पावर हाउसभित्र प्रवेश गरिसकेको छ ।

टनेलको भित्र सम्म पुगेर फर्किएका सशस्त्र प्रहरीका हवलदार पवन तामाङले भित्र एउटा शव फेला परेको बताएका छन् ।

शुक्रबार बिहान सुरुङमा फसेका दुई जनाको जीवित उद्धार गरिएको थियो । नेपाली सेनाले र सशस्त्रका उद्धारकर्मीले भोटेकोशी विपद्पछि सुरुङमा थुनिएका सञ्जय साह र कवीर महर्जनलाई १०औँ दिनमा जीवित उद्धार गरेका हुन् ।

त्रिशूली–३ ए मा उद्धार कन्टिन्यु रहेको नुवाकोटमा बसेर उद्धार समन्वय गरिरहेका सेनाका एक जना उच्च अधिकृतले भने, ‘उद्धार कार्य जारी छ, हाम्रा उद्धारकर्मी बिहान जीवित भेटिएको स्थानभन्दा अगाडि पसेर त्यहाँ फसेकाहरूलाई खोज्ने प्रयास गरिरहेका छन् ।’

त्रिशूली–३ ए आयोजना नुवाकोटको किस्पाङ गाउँपालिका–५ मा सञ्चालित छ । आयोजनाको ड्याम रसुवाको भूभागमा पर्छ ।

सम्बन्धित समाचार

चार महिनामा विपद्का पाँच हजारभन्दा बढी घटना, २५० जनाको मृत्यु टिमुरेस्थित सशस्त्रको बीओपी सुरक्षित, ‘ड्यिुटी’मा खटिइएका टोली सम्पर्कविहीन बाढीमा फेला परेका ४८९ शवमध्ये ३९३ को पहिचान हुन सकेन बाढीपीडित क्षेत्रमा ७ हजार सेना परिचालित, आज मात्रै २०८ जनाको उद्धार टिमुरे भन्सार कार्यालयका अधिकृत नकुल शर्माको शव फेला पोखरामा ७६ शव गाडेर व्यवस्थापन बाढीपछि कति आयो अन्तर्राष्ट्रिय सहयोग ? त्रिशूली–३ ‘ए’ जलविद्युत् आयोजनाको सुरुङभित्रबाट १० दिनपछि दुई जनाको जीवितै उद्धार