काठमाडौं । प्रधानमन्त्री बालेन्द्र शाह (बालेन) संयुक्त राष्ट्रसंघीय महासभामा सहभागी हुन न्युयोर्क जाने भएका छन् ।

३ भदौमा बसेको मन्त्रिपरिषद् बैठकले परराष्ट्रमन्त्री शिशिर खनाल नेतृत्वको प्रतिनिधिमण्डललाई महासभामा पठाउने निर्णय गरेको भएपनि १० भदौमा रसुवाको भोटेकोशी नदीमा आएको भीषण बाढीले ठूलो जनधनको क्षति पु¥याएपछिको परिवर्तित अवस्थालाई लिएर प्रधानमन्त्री शाह राष्ट्रसंघीय महासभामा सहभागी हुन न्युयोर्क जाने भएका हुन् । जलवायु न्यायको आवाज विश्व समुदायसम्म पुर्याउन प्रधानमन्त्री शाह आफैँ न्युयोर्क जान लागेका हुन् ।

महासभाको उच्चस्तरीय बैठकलाई सम्बोधन गर्दै प्रधानमन्त्री शाहले नेपालले जलवायु परिवर्तनका कारण भोगिरहेको विपद, त्यसको मानवीय तथा भौतिक क्षति र जलवायु न्यायको आवश्यकतासम्बन्धी विषय अन्तर्राष्ट्रिय समुदायसमक्ष प्रस्तुत गर्ने तयारी छ ।

रसुवा बाढीपछि प्रधानमन्त्री शाहलाई नै राष्ट्रसंघीय महासभामा सहभागी हुन दबाब पनि बढ्दै गएको छ । बाढीबाट भएको मानवीय तथा भौतिक क्षतिलाई जलवायु परिवर्तनसँग जोडेर अन्तर्राष्ट्रिय समुदायको ध्यानाकर्षण गराउन प्रधानमन्त्रीले महासभालाई उपयोग गर्नुपर्ने सुझाव राष्ट्रिय स्वतन्त्र पार्टी (रास्वपा) का सांसद तथा नेताहरूले दिइरहेका थिए ।

प्रधानमन्त्री शाह न्युयोर्क जाने विषयमा मन्त्रिपरिषद्को अर्को बैठकले आवश्यक निर्णय गर्नेछ ।

संयुक्त राष्ट्रसंघको ८१औँ महासभा २३ भदौदेखि न्युयोर्कस्थित राष्ट्रसंघको मुख्यालयमा सुरू हुँदैछ । महासभाको उच्चस्तरीय बैठक भने ६ असोजदेखि सुरू हुने तालिका छ ।

सम्बन्धित समाचार

मेरिट मिचेर वायुसेवा निगम अध्यक्ष नियुक्ति, सर्वोच्चद्वारा बदर सतर्कता केन्द्रले भन्यो : कर्मचारीले समय पालना तथा तोकिएको पोसाक र आचरण पालना गर्नु गरिमाको हत्यामा संलग्न आरोपमा थप १ जना पक्राउ तिब्बत बाढी : मुग्लिङसहित तटीय क्षेत्रका सर्वसाधारणलाई सतर्कता अपनाउन आग्रह बाढी प्रभावितको उद्धारका लागि १२ वटा हेलिकप्टर परिचालन चिनियाँ प्रधानमन्त्री ली छियाङ तिब्बतको सीमावर्ती क्षेत्र केरुङ आइपुगे कांकडभिट्टामा गोप्रो क्यामेरा जडान उद्धारमा खटिने सुरक्षाकर्मी र कर्मचारीलाई जोखिम भत्ता र खाजा खर्च दिने मन्त्रिपरिषदको निर्णय