काठमाडौं । प्रहरीले आधा किलो बढी सुनसहित त्रिभुवन अन्तर्राष्ट्रिय विमानस्थल क्षेत्रबाट एक भारतीय नागरिकलाई पक्राउ गरेको छ । उनलाई विमानस्थलको पार्किङ एरियाबाट पक्राउ गरिएको हो ।

कतारको दोहा हुँदै काठमाडौं आएका ४२ वर्षीय मोहम्मद चेरा थोडीबाट ५३६ ग्राम सुन बरामद भएको प्रहरीले बताएको छ ।

यस्तै, कतारबाटै आएका अर्का एक नेपाली पनि सुनसहित पक्राउ परेका छन् । पक्राउ परेका बाराको पचरौता नगरपालिका–१ पिपरपाटीका ३३ वर्षीय अनिश अन्सारीको साथबाट ६९.६ ग्राम सुन बरामद भएको प्रहरीले जनाएको छ ।

दुवै जनालाई सुनसहित प्रहरी वृत्त गौशाला पठाइएको विमानस्थल सुरक्षा प्रहरी कार्यालयले जनाएको छ ।

सम्बन्धित समाचार

तिलौराकोटमा थप जग्गा अधिग्रहण गरिँदै चितवनमा गुडिरहेको ईभी कारमा आगलागी, कारभित्र जलेको अवस्थामा एउटा शव फेला लोप हुँदै भटमासखेती ‘शताब्दी घर’मा लाखेको बिदाइ ! प्रधानमन्त्री शाहसँग कार्यवाहक राजदूत बोल्डिनको शिष्टाचार भेट हुम्लाको चङ्खेलीमा बाह्रै महिना अवैध जडीबुटी सङ्कलन अख्तियारको वार्षिक प्रतिवेदन : ९९० प्रतिवादीविरुद्ध बिगोसहित मुद्दा दर्ता त्रिपुरेश्वरस्थित राहदानी विभाग अगाडि बसमा आगलागी