काठमाडौं । पूर्वप्रधानन्यायाधीश चोलेन्द्रशमशेर जबरा पक्राउ र रिहा प्रकरण बल्झिँदै गएको छ । विना कारण मध्यराति सुतेकै अवस्थामा पक्राउ गरी प्रहरी कार्यालय ल्याएर ११ घन्टापछि रिहा गरिएको घटनालाई राष्ट्रिय मानवअधिकार आयोगले गम्भीर रूपमा लिएको छ ।

त्यसमाथि प्रहरी हिरासतमा रहेका राणालाई भेट्न पुगेको मानवअधिकार आयोगको टोलीलाई भेट्न नै नदिई फर्काइएपछि मानव अधिकार आयोगले काठमाडौं उपत्यका अपराध अनुसन्धान कार्यालयका प्रमुख एसएसपी सन्तोष खड्कालाई सोधपुछ गर्न डाकेको छ ।

मानव अधिकार आयोगका प्रवक्ता टीकाराम पोखरेलले प्रहरी प्रधान कार्यालयमार्फत खड्कालाई मंगलबार आयोगमा डाकिएको जानकारी दिए । आइतबार पूर्वप्रधानन्यायाधीश पक्राउ परेको र त्यसपछि आयोगको टोलीले अनुगमन गर्न नपाएको विषयमा छलफलका लागि डाकिएको उनको भनाइ छ ।

आयोगले आइतबार टेकुस्थित कार्यालयमा पुगेर जबरा पक्राउको अनुगमन गर्न खोजेको थियो । तर, प्रहरीले करिब एक घण्टा कुराएर गेटबाटै आयोगको टोलीलाई फर्काइएको दियो । यस’bout आयोगले आइतबार नै विज्ञप्तिमार्फत आपत्ति जनाएको थियो ।

राणालाई पक्राउ गरेको विषयले सोमबार संघीय संसदको प्रतिनिधिसभा र राष्ट्रिय सभा दुवै तातेको छ । विपक्षी दलहरूले यस’bout सरकारको कटु आलोचना गरेका छन् । सरकार स्वेच्छाचारी ढंगले अघि बढेको उनीहरूको भनाइ छ ।

सम्बन्धित समाचार

बाढी प्रभावित क्षेत्रका सडक सञ्जाल असोजभित्रै सञ्चालन हुन्छ : मन्त्री लम्साल कांग्रेस सभापतिको उम्मेदवार बन्न ४० हजार रुपैयाँ शुल्क लाग्ने दुवै महाधिवेशनमा सहभागी नहुने शेखर कोइरालाको घोषणा कांग्रेसमा एक्लिँदै शेरबहादुर देउवा एमालेले स्वीकार्यो बादलको प्रतिवेदन, अब केन्द्रीय कमिटीमा छलफल हुने बझाङ कांग्रेस अधिवेशनः ९४ मध्ये ८९ वडामा नयाँ नेतृत्व देउवा समूहले कोशी र मधेशबाहेक पाँच प्रदेशका ५५ जिल्लामा तोक्यो संयोजक, क-कसले पाए जिम्मेवारी ? पूर्वप्रधानन्यायाधीश जबरा पक्राउको विषय संसदमा उठ्यो, विपक्षी दलहरुद्वारा चर्काे भर्त्सना