जनकपुरधाम । प्रदेश २ मा आज एकैदिनमा अहिलेसम्मकै सबैभन्दा बढि कोरोना संक्रमित व्यक्तिहरु थपिएका छन् ।आज एकदिनमा मात्रै यस प्रदेशमा २१ जना महिला र ३ सय २७ जना पुरुष गरी कुल ३ सय ४८ जना व्यक्तिमा संक्रमण पुष्टि भएको हो ।
योसँगै यस प्रदेशमा कुल संक्रमितको संख्या २ हजार ७ सय २७ पुगेको छ । आज संक्रमित भएकाहरु मध्ये महोत्तरी जिल्लाका अहिलेसम्मकै सबैभन्दा बढि २ सय जना व्यक्तिहरु रहेका छन् ।
त्यस्तै रौतहटमा १ सय ११ जना, धनुषामा २६ जना, सर्लाहीमा ६ जना, बारामा ४ जना र सिरहामा १ जना व्यक्ति संक्रमित भएको सामाजिक विकास मन्त्रालयका सचिव डा. रामप्रसाद घिमिरेले बताए । प्रदेशमा संक्रमित २ हजार ७ सय २७ सबैभन्दा बढि रौतहटका १ हजार ५ जना रहेका छन् । त्यस्तै ५ सय ३३ जना सर्लाहीका, ५ सय ७ जना महोत्तरीका, २ सय ११ जना धनुषाका, १ सय ५६ जना पर्साका, १ सय ३६ जना सप्तरीका, १ सय ३ जना बाराका र ७६ जना सिरहाका व्यक्तिहरु छन् ।