अधिकांश बैंकको नाफा वृद्धिदर घट्यो

काठमाडौं । चालू आर्थिक वर्ष २०७६-७७ का ६ महिनामा २७ वटा वाणिज्य बैंकले ३३ अर्ब २० करोड ५१ लाख ६१ हजार रुपैयाँ खुद नाफा आर्जन गरेका छन् । सञ्चालनमा रहेका २७ वटा ‘क’ वर्गका वाणिज्य बैंकमध्ये राष्ट्रिय वाणिज्य बैंकले सबैभन्दा बढी नाफा कमाएको छ । चालू आवको दोस्रो त्रैमासमा वाणिज्य बैंकले प्रकाशित गरेको वित्तीय विवरणले अधिका्रश बैंकको नाफाको वृद्धिदर घटेको देखाएको छ । केही बैंकको नाफा नै घटेको छ ।

२७ वटा वाणिज्य बैंकले ६ प्रतिशत हाराहारीमा मात्र नाफा बढाएका छन् । आठवटा बैंकको नाफा घटेको छ । वाणिज्य बैंकले गत वर्षभन्दा २० करोड रुपैयाँ नाफा घटाएको छ । चालू आवको ६ महिनामा राष्ट्रिय वाणिज्य बैंकले २ अर्ब २० करोड रुपैयाँ खुद नाफा गरेको छ । बैंकहरूले प्रकाशन गरेको दोस्रो त्रैमासिक विवरणअनुसार ग्लोबल आईएमईले २ अर्ब १३ करोड, नविलले २ अर्ब ४ करोड र एनआईसी एसियाले २ अर्ब १ करोड रुपैयाँ नाफा गरेको छ ।

सिभिलले ३१ करोड ६२ लाख रुपैयाँ मात्र नाफा गरेको छ । ६ महिनामा सिभिलको नाफा घटेको छ । नविल, नेपाल बैंक, नेपाल इन्भेस्टमेन्ट, सिटिजन्स, नेपाल एसबीआई र सिद्धार्थ बैंकको नाफा घटेको वित्तीय विवरणमा उल्लेख छ । यसैगरी, प्रभु बैंक, एभरेस्ट बैंक, नेपाल क्रेडिट एन्ड कमर्स (एनसीसी) बैंक, स्ट्यान्डर्ड चार्टर्ड बैंक र नेपाल बंगलादेश बैंकको नाफा न्यून प्रतिशत मात्र बढेको छ ।

बैंकहरूको वित्तीय विवरणले ग्लोबल आईएमई बैंक, एनएमबी र एनआईसी एसिया बैंकले नाफा बढाएको देखाएको छ । जनता बैंकलाई मर्ज गरेपछि ग्लोबल आईएमई धेरै नाफा बढाउने बैंक भएको छ । ग्लोबलले ७३ प्रतिशत नाफा बढाएको छ । एनएमबीले ओम डेभलपमेन्ट बैंकलाई प्राप्ति गरेपछि नाफा झन्डै ४७ प्रतिशत बढेको छ । एनआईसी एसियाले ३३ प्रतिशत नाफा बढाएको छ । यसैगरी, मेगा, लक्ष्मी, सेन्चुरी कमर्सियल, बैंक अफ काठमाण्डू, प्राइम कमर्सियल, सनराइज र सानिमा बैंकको नाफा न्यूनतम १० देखि ३० प्रतिशतसम्म बढेको छ ।

गत आवमा २५ प्रतिशतले नाफा बढेकामा चालू आवको मध्यावधिमा ७.९ प्रतिशतले मात्रै बढेको हो । गत वर्षको ६ महिनामा यस्तो नाफा ३० अर्ब ७५ करोड रुपैयाँ थियो । गत वर्षको तुलनामा नाफा घटे पनि सरकारी स्वामित्वको यो बैंकले आफ्नो पहिलो स्थान गुमाएको छैन । बैंकले ६ महिनामा २ अर्ब २० करोड नाफा कमाएको छ । यो नाफा गत वर्षको तुलनामा २० करोडले कमी हो ।

त्यस्तै, उच्च नाफाका आधारमा दोस्रो स्थानमा रहेको नविलले २ अर्ब ४ करोड कमाएको छ, नाफा पनि गत वर्षभन्दा खस्किएको छ । जनतासँग मर्ज भएको ग्लोबल आईएमई बैंकले यसपटक नाफामा तेस्रो स्थान समेटेको छ । गत वर्ष यस अवधिमा तेस्रो स्थानमा रहेको इन्भेस्टमेन्टको नाफा लगातार घटिरहेको छ ।

मध्यावधिमा १६ बैंक १ अर्ब बढी नाफा कमाउनेमा परेका छन् । गत वर्ष यस अवधिमा १५ बैंक परेकामा यसपटक सानिमा बैंक थपिएको हो । सानिमाको नाफा १६ प्रतिशतले बढेको छ । नाफा वृद्धिदरका आधारमा एनएमबी बैंक अगाडि छ । उसको नाफा ४८ प्रतिशतले बढेको छ ।

राष्ट्रिय वाणिज्य, नविल, इन्भेस्टमेन्ट, सिद्धार्थ, नेपाल र एसबीआईको नाफामा गत वर्षको यस अवधिमा भन्दा कमी आएको छ । सिटिजन्स र सिभिलले पनि पहिलो त्रैमासदेखि नै नाफा बढाउन सकेका छैनन् । चालू आवमा स्प्रेड दर घटेकाले ऋण विस्तारमा कमी आउँदा नाफामा कमी आएको बुझाइ बैंकर्सहरूको छ ।

गत वर्ष ५ प्रतिशत स्प्रेड दर रहेकामा यस वर्ष ४ दशमलव ५ प्रतिशत मात्रै छ । गत वर्षसम्म बैंकहरूले सुरुमा ब्याजदर घटाएर पछि बढाउँथे भने यस वर्ष राष्ट्र बैंकले त्यस्तो गर्न नपाइने व्यवस्था गर्दा बैंकहरूले नाफा कमाउन पाएनन् ।
हरेक स्थानीय तहमा बैंकहरू खोल्नुपर्ने बाध्यताका कारणले पनि सञ्चालन खर्च बढ्दा नाफा घटेको बुझाइ बैंकर्सहरूको छ ।

पुस मसान्तसम्म वाणिज्य बैंकहरूले २६ खर्ब ५६ अर्ब रुपैयाँ निक्षेप संकलन गरेका छन् । सो अवधिसम्म २३ खर्ब ६८ अर्ब कर्जा प्रवाह भएको छ । चालू आवमा राष्ट्र बैंकले निजी क्षेत्रमा प्रवाह हुने कर्जा २१ प्रतिशतले बढाउने लक्ष्य लिएको छ ।

तपाइको प्रतिक्रिया
(Visited 227 times, 1 visits today)

Ads Space Available

epaper

भर्खरै

बीपी र पुष्पलालले हेरिरहेका छन् कि ?

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
दलले छानेकालाई अस्वीकृत गर्दै मतदाता