मुम्बई । किकपछि सलमान खानको मुख्य भूमिकामा फिल्म ‘किक–२’ बन्ने भएको छ । साजिद नाडियावालले यो फिल्म निर्माणको घोषणा गरेका छन् । यो फिल्मका लागि निर्माता निर्देशक साजिदले नायिका ज्याकलिनलाई किक–२ का लागि अनुबन्धित गरेका छन् । फिल्ममा नायक सलमान खानसँगै नायिका ज्याक्लिन चयन भएकी छन् ।
निर्देशक साजिदले चलचित्रको कथा फाइनल गरेका छन् । कथा फाइनल गरेसँगै उनकी श्रीमतीले ज्याकलिनलाई जन्मदिनमा चलचित्र नै गिफ्ट गरेकी हुन् । नायक सलमान खान र नायिका ज्याकलिन अभिनित चलचित्र ‘किक’ बक्स अफिसमा हिट भएपछि यो फिल्मको दोस्रो संस्करण बन्न लागेको हो ।
मंगलबार अभिनेत्री ज्याकलिन फर्नान्डेजको जन्म दिनको अवसर पारेर निर्देशक साजिद र उनकी श्रीमतीले ज्याकलिनलाई यो नयाँ फिल्ममा अनुबन्धित गरेका हुन् । फर्महाउसबाट सोमबार मात्र आफ्नो घर फर्किएका सलमान मंगलबार ज्याकलिनसँगै यो फिल्ममा आधिकारिक रूपमा जोडिएका हुन् । जन्मदिनको अवसरमा किक–२ को घोषणा पनि गरियो ।
