कपिलवस्तु । कपिलवस्तु प्रहरीले कृष्णनगर नजिकैको भारत–नेपाल सीमाक्षेत्रबाट १४ किलो चरेशसहित चार जनालाई नियन्त्रणमा लिएको छ। पक्राउ परेकाहरू कृष्णनगरबाट भारततर्फ जाँदै गर्दा चेकजाँचका क्रममा समातिएका हुन्।

प्रहरीका अनुसार, हिजो साँझ करिब ६ बजे विशेष सूचनाको आधारमा सीमा क्षेत्रमा खटिएको टोलीले सादा पोशाकसहित निगरानी गरिरहेको थियो। सोही क्रममा शंकास्पद रूपमा हिँडिरहेका चार जनालाई रोकेर चेकजाँच गर्दा उनीहरूको साथबाट ठूलो परिमाणमा चरेश फेला परेको हो।

पक्राउ परेकामा तीन जना महिला र एक पुरुष रहेका छन्। उनीहरूले कम्मरमा विशेष रूपमा पेटी बनाइ लुकाएर चरेश भारततर्फ लैजाँदै गरेको प्रारम्भिक अनुसन्धानबाट खुलेको प्रहरीले जनाएको छ।

प्रहरीका अनुसार पक्राउ परेका सबै व्यक्ति भरिया मात्र रहेको खुलेको छ भने उक्त अवैध कारोबारको मुख्य योजनाकार अझै फरार रहेको आशंका गरिएको छ। घटनासँग जोडिएका थप व्यक्तिहरूको खोजी तथा अनुसन्धान जारी रहेको कपिलवस्तुका प्रहरी प्रमुख प्रहरी उपरीक्षक सन्तोष आचार्यले जानकारी दिए।

सीमा क्षेत्रमा भइरहेको लागूऔषध तस्करी नियन्त्रण गर्न प्रहरीले निगरानी थप कडा बनाइएको जनाएको छ।

सम्बन्धित समाचार

धुर्कोट आधारभूत अस्पतालमा दन्त सेवा सुरु हुलाकी सडकले डफाली परिवारलाई बेघर बनाउँदै सात करोडमा बन्यो जिल्ला प्रशासन कार्यालय नवलपरासी भवन अवकाशप्राप्त शिक्षिकाद्वारा साइकल र स्टेशनरी वितरण काभ्रेको संस्कृति फार्म एण्ड रिसर्च सेन्टरलाई २० लाखको रोटरी अवार्ड वीरगन्ज बजार क्षेत्रको सडक विस्तार बिहान साढे चार बजेवाट एम्बुलेन्सको ठक्करबाट एकै परिवारका दुई जनाको मृत्यु दिक्तेलमा रेडपाण्डा–थार अन्तर्राष्ट्रिय सम्मेलन सम्पन्न