आठ बर्षपछि अछाम – दैलेख जोड्ने मित्तेरी पुलको काम शुरु

 


दैलेख । दैलेखको आठविस नगरपालिका र अछाम जिल्लाको पञ्चदेवल विनायक नगरपालिकाको कर्णाली नदी बन्द रहेको मित्तेरी पुलको निर्माणधिनको काम पुनः शुरु भएको छ । पुरानो डिजाईन पाईल फाउन्डेशनमा समस्या आएपछि स्टमेट बदलेर नयाँ डिजाईन वाईल फाउन्डेशनबाट निर्माणको काम शुरु गरिएको हो ।


कर्णाली नदीको बिचमा करिव १६ देखी १९ मिटर पाईल फाउन्डेशन डिजाईनबाट सम्भव नभएपछि कम्पनी डिजाईन बदलेर ४८ वटा वाईल फाउन्डेशन हालेर पुल निर्माण गर्न लागेको कम्पनीका ओभरसियर सुनिल पौडेलले बताए । उनले भने,“पुरानो पाईल फाउन्डेशनबाट सम्भव नभएपछि स्टमेट बदलेर नयाँ वाईल फाउन्डेशनबाट पुल निर्माण गर्नका लागेका छौं । पुल निर्माणका लागि केही समान आईसकेको र केही आउन बाँकी रहेको छ ।” आजभोली पुल निर्माण वारी दैलेख तारबजारमा माटो सम्याउने काम भईरहेको छ । २ वटा पाईल फाउन्डेशनमा कर्णाली नदीको बिच भागमा जग बसाल्ने क्रममा ठुला ढुंगा भेटिएपछि निर्माणधिन पुल अलपत्रपरेको थियो ।


३ बर्षभित्र बनाई सक्ने लक्ष्यका कुमार श्रेष्ठ–राजेन्द्र जेभी फाउन्डेशन काठमाण्डौंले २०६८ असार २८ मा निर्माणको जिम्मा लिएको थियो । कम्पनीलाई थप दुई म्याद थप गरि पुनः निर्माण गर्न लागेको पौडेलले जानकारी दिए ।
त्यसैगरि मित्तेरी पुलको अहिले फाउन्डेशन बदलेर ‘वाइल फाउन्डेशन’ अन्तर्गत काम शुरू भएको सडक डिभिजन कार्यालय सुर्खेतका प्रमुख देवेन्द्र भट्टराईले बताए । सडक विभागअन्तर्गत निर्माण हुने यो पुलको लागत साढे १३ करोड रुपैयाँ रहेको छ । पुलको लम्बाई १ सय २५ मिटर र चौडाई ६ मीटर रहेको छ । कार्यालयका अनुसार करीब रू.५ करोड बराबरको बजेट एउटा पिल्लर बनाउँदै सकिसकेको छ ।


पुलको काम माघ १५ देखि शुरू भएको सडक डिभिजन कार्यालय सुर्खेतले बताएको छ । पुल निर्माण भएपछि काठमाडौं, पोखरालगायत विभिन्न क्षेत्रबाट आउने यात्रुहरूले सुदूरपश्चिम प्रदेशका पहाडी जिल्लाहरूमा सवारी आवतजावत सहज हुनेछ । साथै कर्णाली र सूदूरपश्चिम प्रदेशका पर्यटकीय गन्तव्यहरूमा पर्यटकको आवागमन बढ्ने स्थानीयको भनाइ छ ।


दैलेख अछाम जोडने कर्णाली नदीमा अलपत्र परेको निर्माणधिन मित्तेरी पुल । पाईल फाउन्डेशनबाट पुल निर्माणमा समस्या आएपछि स्टेमेट बदलेर वाईल फाउन्डेशनबाट पुल निर्माण हुन लागेको छ । तस्वीर : भक्तबहादुर शाही / दैलेख

तपाइको प्रतिक्रिया
(Visited 256 times, 1 visits today)

Ads Space Available

epaper

भर्खरै

लामिछानेको सांसद पद नरहने पाँच कारण

कुरी-कुरी

राजधानी राष्ट्रिय दैनिक:कुरी-कुरी – माघ ४, २०७९
राजधानी राष्ट्रिय दैनिक:कुरी-कुरी – माघ ४, २०७९
गृहमन्त्रीको वडामा कांग्रेस पराजित