Home Breaking News प्रचण्डको घरमा २८० वटा गुटको बैठक : प्रधानमन्त्री

प्रचण्डको घरमा २८० वटा गुटको बैठक : प्रधानमन्त्री

0
प्रचण्डको घरमा २८० वटा गुटको बैठक : प्रधानमन्त्री

काठमाडौं । प्रधानमन्त्री केपी शर्मा ओलीले राष्ट्रिय राजनीतिलाई केही व्यक्तिले प्रदूषित बनाउन लागेपछि प्रतिनिधिसभा भंग गर्नुपरेको बताएका छन् ।

संसदलाई काम नगर्ने थलो बनाउन खोजेको उनको भनाई थियो । ओलीले पार्टी र सरकार विघटन गर्न प्रचण्डको घरमा मात्र वैशाख १३ देखि पुस ४ सम्म २८० वटा गुटका बैठक बसेको भन्दै ३५ वटा बैठक अन्यत्र बसेको दावी गरे । ती सबै बैठक मुलुकलाई अस्थिरतामा लैजाने र अनैतिक साँठगाँठबाट भएको उनको भनाई थियो ।

राष्ट्रियसभाको बैठकलाई आइतबार सम्बोधन गर्दै प्रधानमन्त्री ओलीले केही व्यक्ति व्यक्तिगत मोलतोल र फोहोरी खेलमा लागेपछि देशको बाँकी समय बर्बाद हुन नदिन ताजा जनादेशमा जाने निर्णय गरेको बताएका हुन् ।

सरकारलाई काम गर्न नदिने, व्यवधान खडा गर्ने, जहिले पनि झमेलमात्रै सिर्जना गर्ने प्रवृत्ति देखिएको भन्दै केही व्यक्तिका व्यक्तिगत आकांक्षा, पदलोलुपता जस्ता कुराले राष्ट्रिय राजनीतिलाई प्रदूषित बनाउन थालेको बताए ।