Tuesday, September 21, 2021
Your Ads Here
Homeकलातयार भयो ११ र १२ कक्षामा सिनेमाको पाठ्यक्रम

तयार भयो ११ र १२ कक्षामा सिनेमाको पाठ्यक्रम

,
sharethis

काठमाडौं । चलचित्रलाई आगामी वर्षबाट ११ र १२ कक्षाको कोर्समा राखिने भएको छ । चलचित्र विकास बोर्ड र उच्च शिक्षा परिषद्को पाठयक्रम विकास केन्द्रले कक्षा ११ र १२ को लागि तयार गरिएको पाठ्यक्रममाथि आइतबार राजधानीमा बहस भएको छ । कक्षा ११ र १२ का लागि ८० घन्टाको पाठ्यक्रम तयार गरिएको बहसको क्रममा जानकारी गराइयो ।
कार्यक्रममा चलचित्र विकास बोर्डका अध्यक्ष दयाराम दाहालले पटकपटकको छलफल र अभ्यासपछि ११ र १२ कक्षाका लागि सिनेमासम्बन्धी प्रारम्भिक पाठ्यक्रम तयार गरिएको बताए ।

आफूहरूले अन्तर्राष्ट्रिय क्षेत्रमा पढाइ हुँदै आएका सिनेमाको पाठ्यक्रम हेरेर सोहीअनुसारको पाठ्यक्रम अहिले तयार गरेको पनि अध्यक्ष दाहालले बताए । दाहालका अनुसार अहिले चलचित्र विकास बोर्डले काठमाडौं र मोफसलका एक दर्जनभन्दा बढी उच्च माविलाई चलचित्रसम्बन्धी अध्ययन गराउनका लागि आवश्यक उपकरण सहयोग गरिसकेको छ ।

उनीहरूलगायत अरू पनि थुप्रै उच्च माविले चलचित्र पढाउने चासो देखाएकाले आफूहरूले धमाधम पाठ्यक्रम निर्माण गरिरहेको पनि अध्यक्ष दाहालले प्रकास पारे । आइतबार आयोजना गरिएको छलफल कार्यक्रमबाट प्राप्त सुझावहरूलाई समावेश गरेर अहिलेको पाठ्यक्रममा परिमार्जन गर्ने पनि दाहालले बताए । नेपाली समाजमा सिनेमाको संस्कृति विकास गर्नका लागि पनि आफूहरूले यो कोर्स तयार गरेर लागू गर्न लागेको पनि उनले जानकारी गराए ।

आइतबार सम्पन्न छलफलमा चलचित्रकर्मीहरूले ११ र १२ कक्षाको पाठ्यक्रम निकै गहन भएको प्रतिक्रिया दिए । ११ र १२ कक्षाको अहिले तयार गर्न लागिएको पाठ्यक्रम स्नातक तहको जस्तै गहन भएको उनीहरूले बताए । अग्रज कलाकार नीर शाहले अहिलेको पाठ्यक्रम निकै गहन भएकाले यसलाई केही हलुका बनाउनुपर्ने बताए । मावि तहमा यसरी चलचित्रलाई समावेश गर्नु आफूहरूका लागि खुसीको खबर भएको पनि अग्रज अभिनेता शाहले बताए ।

अग्रज नाट्यकर्मी तथा नेपाल संगीत तथा नाट्य प्रज्ञा प्रतिष्ठानका उपकुलपति हरिहर शर्माले पनि सो पाठ्यक्रमको खुलेर प्रशंसा गरे । अहिले कतिपय नयाँ विषयहरू स्कुल तथा कलेजमा पढाइ भइरहेको बेला मावि तहमा चलचित्रको छुट्टै पाठ्यक्रम समावेश गरिनु प्रशंसनीय कार्य भएको पनि शर्माले बताए ।

२४ घण्टामा भएका समाचारहरु पढ्नुहोस   दशैं आइसक्याे, हलमा नयाँ फिल्म कहिले ?

नेपाल चलचित्र निर्माता संघका अध्यक्ष आकाश अधिकारीले पनि ११ र १२ कक्षामा चलचित्रको छुट्टै पाठ्यक्रम समावेश गरिनु चलचित्र क्षेत्रकै लागि गर्वको कुरा भएको बताए । उनले पाठ्यक्रम निर्माण गर्दा सिद्धान्तका कुरा धेरै पढाउनुभन्दा पनि प्रयोगात्मक कक्षा बढाउनुपर्ने सुझाव दिए । नेपालमा स्नातक तहमा चलचित्रसम्बन्धी दुई वटा कलेज सञ्चालन भइरहेको बेला माविमा पनि चलचित्रसम्बन्धी छुट्टै पाठ्यक्रम राखिनुले दक्ष सिनेकर्मी यही उत्पादन हुनेमा आफूहरू विश्वस्त रहेको अधिकारीले बताए ।

सो कार्यक्रम अग्रज संगीतकार दीपक जंगम, अग्रज गीतकार कृष्णहरि बराल, फिल्म प्रध्यापक लक्ष्मीनाथ शर्मा, शिशिर उप्रेती, आलोक तिवारी, सिनेकर्मी तथा सञ्चारकर्मी फुलमान बल, अरुणदेव जोशी, डा. सचिन घिमिरे, सिनेकर्मी रामकृष्ण पोखरेललगायतले पाठ्यक्रमका बारेमा सुझाव दिए ।

नयाँ पाठ्यक्रम विभिन्न आठ खण्डमा विभाजन गरिएको छ । जसअन्तर्गत सिनेमाको संक्षिप्त इतिहास, सिनेमाको आधारभूत सिद्धान्त, सिनेमा निर्माणमा विविध भूमिका र काम कर्तव्यहरू, सिनेमा निर्माणको कार्यगति, नेपाली सिनेमाको संक्षिप्त इतिहास, वृत्तचित्र र फिल्म निर्माणको परिचय, प्रोडक्सन, सिनेक्षेत्रका शब्दहरू र छायांकन गरी आठ खण्डमा विभिन्न शीर्षक राखिएका छन् । पाठ्यक्रममा विश्व सिनेमाको इतिहासदेखि नेपाली चलचित्रको इतिहाससम्मलाई समेटिएको छ ।

बहसका क्रममा पाठ्यक्रम विकास केन्द्रका पाठ्यक्रम अधिकृत खिलनाथ धमलाले आफूहरूले तयार गरेको ११ र १२ कक्षाको सिनेमासम्बन्धी पाठ्यक्रमबारे विस्तृत जानकारी गराए । उनले सो पाठ्यक्रमको प्रक्रिया तथा प्रयोजनबारे पनि सो क्रममा प्रकाश पारे ।

२४ घण्टामा भएका समाचारहरु पढ्नुहोस   दशैं आइसक्याे, हलमा नयाँ फिल्म कहिले ?

चलचित्रकर्मी तथा विज्ञहरूले दिएको सुझावका आधारमा आफूहरूले अहिलेको पाठ्यक्रममा केही फेरबदल गरेर कार्यन्वयनमा ल्याउने पनि उनले सो कार्यक्रममा बताए । पाठ्यक्रम विकास केन्द्रका निर्देशक बद्रीनाथ तिमिल्सिनाले विभिन्न विद्यालय चलचित्रसम्बन्धी पढाइमा इच्छुक भएकाले आफूहरूले पाठ्यक्रम बनाएको बताए । यसलाई चाँडै स्वीकृत गरेर लागू गर्ने पनि उनले बताए ।

तपाइको प्रतिक्रिया

(Visited 116 times, 1 visits today)

आजको समाचार

एमालेमा १५ बुँदे आचारसंहिता : सम्पत्ति विवरण नबुझाउने नेताकार्यकर्ता कारवाहीमा पर्ने

  काठमाडौ । नेकपा एमालेले पार्टीले माग गरेको अवस्थामा सम्पत्ति विवरण नबुझाउने नेता तथा कार्यकर्तालाई कारवाही गर्ने नीति प्रस्ताव गरेको छ । १५–१७ असोजमा आयोजना हुने प्रथम...

राष्ट्रिय स्वार्थमा समर्पित नेतृत्वको अपेक्षा !

वर्तमान नेपाली राजनीतिमा सत्ता चलायमानको स्थिति नहुँदा विकासको मार्ग र मानवीय संवेदनामा ठूलो क्षति भइरहेको छ । नेपाली राजनीति विगतबाटै प्रतिरोध र प्रतिशोध साँध्ने...

मन्त्रिपरिषद् विस्तारमा सत्तारूढमै असहमति

काठमाडौं । मन्त्रिपरिषद् विस्तार गर्ने विषयमा सत्तारूढ गठबन्धभित्रै असहमति बढेको छ । प्रधानमन्त्री शेरबहादुर देउवाले सरकार गठन भएको दुई महिना बित्दासमेत सरकारलाई पूर्णता दिन...

बैंकहरूमा तरलता अभावसँगै सेयर बजारमा पहिरो

काठमाडौं । ११४ दशमलव शून्य २ अंक अर्थात् ४ दशमलव शून्य ५ प्रतिशतको पहिरोका साथ सोमबार नेप्से परिसूचक २ हजार ६९८ दशमलव २४ बिन्दुमा...

साताका लोकप्रिय समाचार

एमाले स्थायी कमिटी बैठक बस्दै, यी हुन् एजेन्डा

  काठमाडौं । प्रमुख प्रतिपक्षी नेकपा (एमाले)को स्थायी कमिटी बैठक आज आइतबार बस्दैछ । ललितपुरको च्यासलस्थित तुल्सीलाल प्रतिष्ठानमा दिउँसो १ बजे बैठक बस्ने एमाले केन्‍द्रीय कार्यालयका सचिव...

संविधानको मर्म मिच्दै संविधान दिवस !

हिजो मात्र हामीले हाम्रो सातौं संविधान दिवस मनायौं । राष्ट्रपति, प्रधानमन्त्रीसहित राजनीतिक दलका नेताहरूले शुभकामना दिए । नेपाली जनताको संविधान सभाबाट संविधान बनाउने २००७...

तालिवानले ब्युँतायो दण्ड मन्त्रालय, दोषीको हात काट्नेदेखि अंग छेदन गरिने

  काबुल । तालिवानले आँचरण तथा दण्डमामिला मन्त्रालय व्युँताएको छ । सन् १९९६ मा पहिलो शासनकालमा तालिवानले सो मन्त्रालयले गठन गरेको थियो । देशमा कठोर...

दैलेखमा शिक्षकको घाँटी रेटेर हत्या

  दैलेख । दैलेखमा घाँटी रेटेर एकजनाको शिक्षकको हत्या गरिएको छ । सोमबार राती गुराँस गाउँपालिका–८ मालिका मावि ४३ बर्षिया नगेन्द्र विसीको विद्यालयमै घाँटी रेटेर...

ट्रेन्डिङ

वरीयतामा नेपालको तीन स्थान सुधार

काठमाडौं । विश्व फुटबलको सर्वाेच्च निकाय (फिफा)को वरीयतामा नेपालले तीन स्थान सुधार गरेको छ । यसअघि १ सय ७१औं स्थानमा रहेको नेपाल विश्व फुटबल...

बजार पुँजीकरण २१ खर्ब १८ अर्ब पुग्यो

काठमाडौं । यस साता नेपाल स्टक एक्सचेन्ज (नेप्से)मा १४ अर्ब बढीको कारोबार भएको छ । परिसूचकमा खासै उत्साह नदेखिएको बजारमा अल्पकालीन लगानीकर्ता सक्रिय हुँदा...
1

प्रमुख

भर्खरै

छुटाउनुभयो कि?

तपाइको प्रतिक्रिया
(Visited 200 times, 1 visits today)