माघे संक्रान्तिलाई स्वदेशकै तरुल

काठमाडौँ । माघे संक्रान्ति पनि नेपालीहरुको एक खालको पर्व नै हो । माघे संक्रान्तिमा तरुल र विभिन्न कन्दमुल उसिनेर खाने परम्परा छ । विगतमा व्यापारीहरुले माघे संक्रान्तिलाई नै लक्षति गरेर ठुलो मात्रामा भारतबाट तरुल आयात गरेर बजारमा विक्री वितरण गर्ने गरेका थिए । तर पछिल्लो समय नेपाली कृषकहरुले पनि तरुल खेती गर्न थालेपछि माघे संक्रान्तिलाई स्वदेशकै उत्पादनले पर्याप्त हुने गरेको व्यापारीहरु बताउँछन् ।

पछिल्लो केही वर्षदेखि माघे संक्रान्तिको लागि भारतबाट तरुल आयात गर्नु नपरेको कालिमाटी तरकारी तथा फुलफुल थोक बजार संघका अध्यक्ष गिताप्रसाद आचार्यले जानकारी दिए । उनले स्वदेशमै उत्पादन भएको तरुलले बजारको माग धानेको जानकारी दिए । ‘पछिल्लो समय विभिन्न जिल्लाका कृषकले तरुल खेती गर्ने गरेका छन् ।’ अध्यक्ष आचार्यले भने, ‘स्वदेशमै तरुल खेती हुन थालेपछि माघे संक्रान्तिका लागि भारतबाट तरुल आयात गर्नु पर्दैन । स्वदेशी उत्पादन नै पर्याप्त छ ।’

सर्लाही, नवलपरासी, मकावनपुर, काभे्र, धादिङ, चितवन, पाल्पा लगायतका जिल्लामा तरुल खेती हुन्छ । सबै भन्दा धेरै सर्लाहीमा तरुल उत्पादन हुन्छ । बजारमा भएको सबै तरुल नेपाली उत्पादन नै भएको आचार्यले जानकारी दिए । ५/६ वर्ष अघि देखि माघेसंक्रान्तिका लागि भारतबाट तरुल आएको उनको भनाइ छ ।

यसवर्ष कोरोनाका कारण कृषकले तरुल खेती कम गरेको हुँदा गत भन्दा यसवर्ष १० देखि २० प्रतिशत तरुल महंगो भएको बताए । थोक बजारसंघका अध्यक्ष आचार्यका अनुसार थोक बजारमा सेतो तरुल प्रतिकेजी ६० देखि ८० रुपैयाँ पर्छ । सिमालको जरा प्रतिकेजी ५० रुपैयाँ, वनतरुल २ सय देखि ३ सय रुपैयाँ, हात्तितरुल ३ सय देखि ५ सय रुपैयाँ, पातले तरुलको १ सय देखि १ सय ५० रुपैयाँ पर्छ ।

कालिमाटी फलफुल तरकारी बजारमा विकास समितिका सूचना अधिकारी विनय श्रेष्ठले माघे संक्रान्तिका लागि स्वदेशी उत्पादन तरुल नै पर्याप्त भएको बताए । उनले चालु आर्थिक वर्षमा कालिमाटी बजारमा भित्रिएको १२ सय ८ टन मध्ये ४९ टन भारतबाट आएको बताए ।

केही व्यापारीले भारतबाट तरुल ल्याएको भएपनि पछिल्लो समय स्वदेशमै ठुलो मात्रामा तरुल उत्पादन हुने हुँदा भारतबाट तरुल ल्याउन आवश्यक नभएको बताए । नेपाली बजारको माग आपूर्ति गर्न स्वदेशी उत्पादन नै पर्याप्त भएको छ । ‘सूचना अधिकारी श्रेष्ठले भने,‘ चालु आर्थिक वर्षको पुस महिनाको बुधबार सम्मको तथ्यांक हेर्दा कालिमाटी तरकारी बजारमा १२ सय ८ टन तरुल भित्रिएको जसमा पुस महिनामा मात्र १ हजार ५५ टन भित्रिएको छ । विषेश गरी तरुल माघे संक्रान्तिमा खाने हुँदा बजारमा पुस नै बढी आउने गर्छ । उनले भने,‘ यसवर्ष कालिमाटीमा तरुल कम भित्रिएको छ । गतवर्ष कालिमाटी बजारमा पुस महिनामा १३ सय टन तरुल भित्रिएको थियो । यसवर्ष १ हजार ५५ टन मात्र भित्रिएको छ ।’

पछिल्लो समय काठमाडौँका विभिन्न ठाउँमा बजार विस्तार हुनु र धेरै कृषकहरुले आपैm बजारमा विक्री गर्ने गरेको हुँदा पनि कामालिमाटी बजारमा यो वर्ष कम तरुल आएको हुन सक्ने सूचना अधिकारी श्रेष्ठले बताए । श्रेष्ठका अनुसार कालिमाटी बजारमा ९६ प्रतिशत तरुल स्वदेशी उत्पादन आएको छ । भारतको ४ प्रतिशत तरुल आएको छ । यसैगरी स्वदेशी उत्पादन सर्लाहीको ४९ प्रतिशत, धादिङको १३ प्रतिशत, सुनसरीको १३ प्रतिशत, चितवन ४ प्रतिशत नवपरासी साढे ३ प्रतिशत, मकावनपुरको ३ प्रतिशत, कार्भे २ प्रतिशत, झापाको २ प्रतिशत तनहुनको डेढ प्रतिशत गोर्खाको डेढ प्रतिशत तरुल आएको छ ।

तपाइको प्रतिक्रिया
(Visited 531 times, 1 visits today)

Ads Space Available

epaper

भर्खरै

‘अर्थतन्त्रमा दीर्घकालीन असर’

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
धनगढीकाे मेयरमा स्वतन्त्र उम्मेद्वार हमाल १२ हजार भन्दा बढी मत अन्तरले बिजयी