ओझेलमा परेका एकिकरणका नायक

काठमाडौँ । नेपालको एकिकरणका महान योध्दा सेनापती वडावीर शिवराम सिंह बस्न्यातको २७५ औं पुण्यतिथिको योगदान स्मरणमा, श्रीपाली बस्न्यात समाज नेपालको आयोजनामा सम्पन्न भयो । श्रीपाली बस्न्यातहरुले डा. निरन्जन मानसिंह बस्न्यातको अध्यक्षतामा शंखरापुरा नगरपालिका ३, जहरसिंह पौवा, सांगाचोकमा फागुन ५ गते एक सभा संचालन गरी आफ्नो पुर्खा शिवराम सिंह बस्न्यात प्रति हार्दिकपुर्ण श्रध्दासुमन अर्पण गरे ।

कार्यक्रममा विभिन्न जिल्लाका २० जना प्रतिनिधिहरुको सहभागिता रहेको थियो । उक्त कार्यक्रममा सेखरसिंह बस्न्यात, पृथ्वीमान सिह बस्न्यात र भोलामान सिंह बस्नेतले राष्ट्रिय एकिकरण, राजा पृथ्वी नारायण शाह र सेनापती वडाबीर शिवराम सिंह बस्न्यातको भुमिका’bout प्रकास पारे । अध्यक्ष निरन्जन मानसिंह बस्न्यातले श्रीपाली बस्न्यात कल्याणकारी कोष, वडावीर शिवराम सिंह बस्न्यातको सालिक निर्माण, स्मारिका प्रकासन र प्रबुध्द ब्यक्तिहरुको वैठक गर्ने घोषणा गरे। वडावीर ंशिवराम सिंह बस्न्यातले विक्रम सम्वत १८०३ फागुन ५ गते अर्थात आजभन्दा २७५ बर्ष अघि राष्ट्र्रिय एकिकरण युध्दको सिलसिलामा, सांगाचोकमा वीरगति प्राप्त गरेका थिए ।

सेनापति शिवराम सिंह बस्न्यात नेपाल एकिकरण अभियानका गोरखा राज्यका पहिला सेनापति थिए । उनी एकीकरण अभियानमा प्रथम वीरगतीप्राप्तगर्ने एउटा कुशल योद्धा हुन् । शिवरामसिंहको लडाईमा भएको मृत्यु पश्चात उनकी श्रीमती वीराड्गना शुरप्रभा बस्न्यातले आफ्ना टुहुरा छोराहरु लिएर गोरखा दरवारमा राजा पृथ्वीनारायण शाहलाई भेटी “बाघ त गोरखाको लागि मरीहाले, यी चार डमरुहरुले पछि गोरखाको लागि काम गर्ने छन्” भनेको इतिहासमा उल्लेख भएको पाईन्छ । पछि गएर उनीजत्तिकै सक्षम र इमान्दार उनका चार छोराहरु क्रमशः काजी नाहर सिंह बस्न्यात, काजी केहर सिंह बस्न्यात, काजी अभीमान सिंह बस्न्यात र काजी धोकलसिंह बस्न्यात, राजा पृथ्वी नारायण शाहको मरवट नीतिअनुरुप हुर्के बढेर एकीकरण अभियानमा संलग्न भए ।

उनीहरुको पनि नेपाल राज्यविस्तार र सुदृढ गर्न महत्वपूर्ण योगदान दिएको’bout नेपालको इतिहासमा प्रशस्त उल्लेख भएको पाइन्छ । नेपालको एकीकरण अभियानमा अग्रणी भूमिका खेल्ने भारदारहरुमा एक महत्वपूर्ण भारदार सेनापति बडाबीर शिवराम सिंह वस्न्यात हुन् । राजा पृथ्वीनारायण शाहले बस्न्यात र पाण्डेबीच सम्बन्ध सुधार गर्न सेनापती बडावीर शिवराम सिंह बस्न्यातका माहिला छोरा काजी केहरसिंह बस्न्यातको बिवाह काजी कालुपाण्डेको छोरी चीत्रादेवी पाण्डेसंग गराई दिएका थिए र नेपाल एकीकरण गर्न ‘बस्न्यातको तरवार र पाण्डेको ढाल’ भनी इतिहासमा उल्लेख गरेको पनि पाइन्छ । कति वीरहरुले आफ्नो अथक परिश्रम र प्रयास मात्र गरेका होइन आफ्नो जीउज्याननै नेपाल एकीकरणका लागि आहुती गरेको इतिहासमा पाइन्छ । गोरखाका राजा पृथ्वी नारायण शाह र उनका अनुयायीहरुको अथक परिश्रमवाट नेपालको एकीकरण अभियान सञ्चालन भई आज यो देश नेपालको सृजना भएको हो ।

डाक्टर निरन्जन मानसिंह बस्नेतले हालै ‘सर्ट बायोग्राफी अफ किङ पृथ्वीनारायण शाह आएण्ड हिज काउन्सिल टु द पिपुल अफ नेपाल’ नामक पुस्तक अंगेजी, फ्रेन्च र स्पानिस भाषाहरुमा समेत प्रकासन गरी पृथ्वीनारायण शाह, नेपालको एकीकरण र उनको दिब्यउपदेस’bout अन्तर्राष्ट्र्रियकरण गर्न सफल भएका छन् । यसैविच हालै नेपाली सेनाले महत्व दिई “राष्ट्रिय एकीकरण मार्ग” को अवधारणमा समेत उक्त जहरसिंह पौवा क्षेत्रलाई समावेश गरी सह्राहनीय कार्यको थालनी गरेको छ ।

तपाइको प्रतिक्रिया
(Visited 590 times, 1 visits today)

Ads Space Available

epaper

भर्खरै

नेतृ रेखा थापाद्वारा राप्रपाको विशेष महाधिवेशन माग

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
स्थानीय तहमा अब कांग्रेस पहिलो दल