तुलसीपुर । तुलसीपुरको सरैयाडाडाँको चोकमा स्कुल बस पल्टिदा १ जनाको मृत्यु भएको छ भने २० जना घाइते भएका छन् । मृत्यु हुनेमा तुलसीपुर १६ निबासी सम्झाना केसी रहेको ईलाका प्रहरी कार्यालय तुलसीपुरले जानकारी दिएको छ ।

सम्झानाको सिटी हस्पिटल तुलसीपुरमा उपचारको क्रममा मृत्यु भएको ईलाका प्रहरी कर्यालय तुलसीपुरका प्रहरी निरीक्षक झलक प्रसाद शर्माले जानकारी दिए । घाइतेहरुको राप्ती प्रादेशिक अस्पताल तुलसीपुर र कोहलपुरमा उपचार भइरहेको छ । डुरुवाबाट विद्यार्थी लिएर तुलसीपुर जाँदैगरेको रा१क ४३३ नम्बरको पब्लिक ज्ञानज्योति कलेजको बस ब्रेक फेल भएर सरैयाडाडाँ चोकमा पल्टिएको विद्यालयले जनाएको छ ।