अबको प्राथमिकतामा बालस्वास्थ्य सुरक्षा

कोरोना महामारी संक्रमणको दोस्रो लहर तीव्रतामा अघि बढिरहँदा यसको तेस्रो लहर आउने सम्भावनालाई सम्बन्धित सबै पक्षले निकै गम्भीरताका साथ लिएका छन् । बालबालिका बाहेक अन्य उमेर समूहका व्यक्तिमा महामारीको संक्रमण बढी देखिए पनि सम्भावित तेस्रो लहरले बालबालिकालाई अप्ठ्यारोमा पार्ने देखिन्छ । हरेक परिवारमा वृद्ध तथा युवाभन्दा बालबालिकाको संख्या बढी हुने गरेको छ । यो स्वाभाविक पनि हो । तर, हरेक परिवारमा रहेको यही ठूलो संख्यालाई महामारीको तेस्रो लहरले आक्रमण गरेमा यसले ठूलो धनजनको क्षति पु¥याउने देखिन्छ । साथै उमेर समूहको हिसाबले जनसंख्याको ठूलो हिस्सामा संक्रमण फैलिएमा यसको रोकथाम जटिल मात्र होइन असम्भव प्रायः हुन जाने देखिन्छ । त्यसैले, महामारी संक्रमणको तेस्रो लहर आउनुपूर्व यसको रोकथामका लागि गरिनुपर्ने तयारी समयमै गरिनु आवश्यक हुन गएको छ । यदि, महामारीको पहिलो लहर छँदा दोस्रो लहरको रोकथामका लागि केही पूर्वतयारी गर्न सकिन्थ्यो भने त्यसले आज भइरहेको अनपेक्षित क्षतिलाई धेरै कम गर्ने थियो । तर, त्यो तयारी समयअगावै गर्न सकिएन । यसले, अहिले ठूलो क्षति बेहोर्ने अवस्थामा पु¥यायो ।

विगतबाट पाठ सिक्ने, वर्तमानमा लागू गर्ने र भविष्यका लागि सतर्क रहने तथा सम्भावित चुनौतीको सामना गर्नुपूर्व तयारी गर्ने काम सबैभन्दा बुद्धिमतापूर्ण हुनेछ । यसको अर्थ योबीचमा केही पनि गर्न सकिएन भन्ने होइन । तर, हाम्रा पूर्वतयारीहरू अपूरा मात्र रहेनन् । अपर्याप्त पनि रहे । यस कारणले हामीहरूले वर्तमानको संकटपूर्ण अवस्था झेल्नुपरिरहेको छ । हुन त महामारी आफैंमा विश्वव्यापी रूपमा फैलिएर आउने र आपैंmसँगै दर्जनौं अन्य चुनौती लिएर आउने गर्छ । यसको असर संसारभर सबै देशले भोगिरहेका छन् । तर, समस्या आइपरेमा यसको न्यूनीकरणका लागि गरिनुपर्ने आवश्य तयारी हुन सकेनन् भन्ने जनगुनासो र सम्बन्धित पक्षको महसुस आफंै यसको उदाहरण हो । महामारी आउँदा दसौं वर्षको विपत्ति लिएर आउँछ । यस अघिका प्लेग, खो¥यात, एलो भाइरस तथा हैजा विफरजस्ता महामारीले संसारमा दशकौंसम्म महामारी निम्त्याएका र त्यसपछि पनि निरन्तर रहिरहेका देखिन्छन् । हालको कोरोना भाइरस महामारी अबका दशकौंसम्म रहिरहने र यसले हरेक समयकमा आफ्नो स्वरूप परिवर्तन गरिरहने र संक्रमण जारी राखिरहने संकेत देखाइराखेको छ ।

कोरोना महामारीको पछिल्लो समयमा देखिएको भेरियन्ट निकै डरलाग्दो हुने र यसले बालस्वास्थ्यमा हानि गर्ने पूर्वआँकलन स्वास्थ्य विषेशज्ञले गरिरहेका छन् । तेस्रो लहरका रूपमा फैलन सक्ने यो महामारीको रोकथामका लागि नेपालले आफ्नो दक्षअनुसार तयारी गर्नेपर्छ । जनसंख्याको ठूलो हिस्सा रहेको बालबालिका यदि कोरोना महामारीको तेस्रो लहरको सिकार भए भने यसले ठूलो समस्या निम्त्याउनेछ । वर्तमानमा यसले असर त पार्ने नै छ । भविष्यमा पनि ठूलो क्षति पु¥याउनेछ । बालबालिका भविष्यका कर्णाधार हुन् । नयाँ पुस्ता हुन् । स्वयंमा भविष्य नै हुन् । वर्तमानका सबै कुरा भविष्यमा समर्पित हुने भएकाले अब आउने महामारीको सम्भावित संक्रमणलाई मध्यनजर गरेर बालबालिकाको स्वास्थ्य सुरक्षाका लागि निकै चनाखो भएर पूर्वतयारी गर्न लागि पर्नैपर्छ ।

तपाइको प्रतिक्रिया
(Visited 195 times, 1 visits today)

Ads Space Available

epaper

भर्खरै

‘अर्थतन्त्रमा दीर्घकालीन असर’

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
सबै सेवासुविधामा जनताको हितमा लगाउने छु : कृष्णबहादुर थापा