काठमाडौं । चलचित्र ‘दिलमाया २’ निर्माण भएको छ । यो चलचित्रको प्रदर्शन मिति घोषणासँगै आइतबार यसको अफिसियल टिजर सार्वजनिक गरिएको छ ।
टिजरमा अभिनेता किरण नेपाली र सेन्जल पौडेलको प्रेममा आरोहअवरोहको कथालाई देखाइएको छ । यो चलचित्रमा किरण र सेन्जलसँगै सविन बास्तोला, राजु गिरी, अस्मिता बस्नेत, नारायण खाती, हिरादेवी श्रेष्ठ, माया श्रेष्ठ, काजल गिरी, कंगना गिरी, कमल वलीलगायतका कलाकारको अभिनय रहेको छ ।
राजु गिरी प्रोडक्सनको ब्यानरमा निर्माण भएको दिलमाया २ को लेखन तथा निर्देशन राजु गिरीले गरेका हुन् । विष्णु निराकर र सुस्मिता खत्रीको छायांकन रहेको यो चलचित्रमा खुमबहादुर सुनार र संगीता खत्रीको सम्पादन छ । सिनेमालाई शंकर गिरी, पूर्णकला गिरी र सरिता गिरीले निर्माण गरेका हुन् ।
चलचित्रमा अर्जुन पोखरेल र राजेन्द्र बजगाईको संगीत, रामजी लामिछानेको नृत्य निर्देशन, देव महर्जनको द्वन्द्व निर्देशन, रेश्मा केसीको निर्माण नियन्त्रण रहेकी छन् । यो चलचित्र आगामी २९ असारमा रिलिज गरिने भएको छ ।
