संखुवासभा । उत्तर दक्षिण कोशी सडक खण्डमा ट्याक्टर पल्टिएर एक जनाको मृत्यु भएको छ । मृत्यु हुनेमा ट्याक्टर चालक खोटाङ सुम्देलका २३ बर्षीय उचित राई रहेको जिल्ला प्रहरी कार्यालयका प्रहरी निरिक्षक सन्तोश राईले जानकारी दिए ।

ढाडे भिरबाट ढुङगा बोकेर खाँदबारी आउँदै गरेको ट्याक्टरको डालो पल्टिएर चालक राईलाई किचेको थियो । ट्याक्टरको डालोले किचेर राईको घटनास्थमै मृत्यु भएको प्रहरीले जनाएको छ । चालक राईको पोष्टमार्टमका लागि जिल्ला अस्पताल खाँदबारीमा राखिएको छ । खोटाङ सुम्देल घर भएका राई केही बर्ष देखि खाँदबारी नगरपालिका–२ चेवामा बस्दै आएको थिए ।