इटहरी । मोरङको बिराटनगर बरगाछीमा ट्रकको ठक्करबाट एकजनाको मृत्यु भएको छ । ट्रकको ठक्करबाट २४ वर्षीय नगेन चौधरी मृत्यु भएको छ ।  बरगाछिमा स्कुटरलाइ ठक्कर दिएर भाग्न खाेजेकाे ट्रकमाथी स्थानियले आगजनि गरेका छन । 

अहिले साे स्थान तनाव ग्रस्त बनेकाे छ । दुर्घटनापछि स्थानीयले ट्रकमा आगजनी गरेका छन् । ट्रकमा लगाएको आगो दमकलको सहयोगमा निभाइएको मोरङका एसपी दीपक पोखरेलले बताए ।

गम्भीर घाइते भएका चौधरीको उपचारका लागि कोशी अस्पतालतर्फ लैजाने क्रममा बाटैमा मृत्यु भएको र दुर्घटनालगत्तै आक्रोसित बनेका स्थानीयले ट्रकमा आगजनी गर्दै सडक अबरुद्ध गरेका थिए। केहि समय अघिमात्र अबरुद्ध सडक प्रहरीले खुलाएको एसपी पोखरेल बताए। 
अहिले सवारीसाधन निर्वाद रुपमा संचालन भैरहेको उनले बताए। आगजनीमा संलग्न भएको आशंकामा प्रहरीले २ जनालाई नियन्त्रणमा लिएको प्रहरीले जनाएको छ ।