राजविराज । मोवाइलचोरीको आरोपमा कोठामा थुनेर गरिएको कुटपिटबाट गम्भिर घाइते भएका एक युवाको उपचारको क्रममा मृत्यु भएको छ ।

राजविराज नगरपालिका १६ बोरिया निवासी १९ बर्षीय मुकेश यादवको यसरी मृत्यु भएको हो । कुटपिटबाट घाइते भएका यादवलाई दुई दिन अघि उपचारका लागि स्थानिय गजेन्द्रनाराण सिंह अस्पतालमा भर्ना गरिएको थियो ।

अवस्थामा सुधार नभएपछि उनलाई स्थानिय छिन्नमस्ता अस्पतालमा रेफर गरिएको थियो । उपचारकै क्रममा शुक्रबार राति उनको मृत्यु भएको जिल्ला प्रहरी कार्यालय सप्तरीका प्रहरी नायव उपरिक्षक डम्बर बहादुर पुरीले जानकारी दिए ।

उक्त घटनामा संलग्न रहेको आरोपमा शनिबार मृतक यादवका छिमेकी सरोदेवी साह, २७ बर्षीय सन्तोष कुमार राउत र दुई जना नवालकलाई पक्राउ गरेको प्रहरी नायव उपरीक्षक पुरीले बताए ।

उनले आशंकाकै आधारमा कसैले कानुन हातमा लिनु अपराध भएको भन्दै अनुसन्धानका क्रममा दोषी पाइएकाहरुलाई कानुन वमोजिम कारवाही गरिने स्पष्ट पारेका छन् ।

मृतकका हजुरबुवा नारायण यादवले चोरीको आशंकामा नियन्त्रणमा लिई अमानविय व्यवहार गर्ने र ज्यानैजाने गरी कुटपिट गर्नेहरु माथि कडा कारवाही हुनपर्ने माग गरेका छन् ।

प्राप्त घटना विवरण अनुसार तीनदिन अघि सारो देवीको मोवाइल हराएको थियो । सारोले छिमेकी मुकेशले नै मोवाइल चोरी गरेको आशंका गर्दै आफ्नो घरमा हात खुट्टा बाँधेर थुनेका थिए । सोही क्रममा हाल प्रहरी नियन्त्रमा रहेकाहरुले निर्घात कुटपिट गरेको मृतकका आफन्तले जनाएका छन् ।

रातभर कोठामै थुनेर राखिएका मुकेश विहान पख विरामी भएको खवर पाएपछि पुगेका आफन्तजनले उद्दार गरी अस्पताल पुर्याएका थिए । सोही क्रममा उनको मृत्यु भएको प्रहरीले जनाएको छ ।

सम्बन्धित समाचार

सप्तरीको हैजाप्रभावित बस्तीमा सचेतनासँगै सामग्री शिक्षा विकास समन्वय एकाई प्रमुखको लपरवाहीले सेवाग्राही आर्जित विद्यालय नर्स सञ्जिता साहः फेसबुकबाट प्रेम, अदालतमा विवाह दर्ता, विवाहपछि तिरस्कार विहे भएको ४ महिनामै घर निकाला अभियोग पुष्टि हुने आधार नदेखिएपछि छुटे भट्टचन प्रतिनिधिसभा पुनर्स्थापनाको माग गर्दै बारा एमाले सडकमा भोलि बिहान धनगढीमा साइकल र्‍याली हुने डिजिटल वालेट प्रयोग गरी वित्तीय ठगी धन्दा संचालन