काठमाडौं । मोडेल तथा मिडिया उद्यमी एलिजा गौतम आम जनता पार्टी (आजपा) मा प्रवेश गरेकी छन । काठमाडौंको कमलादी स्थित प्रज्ञा प्रतिष्ठानमा बुधवार बसेको आजपा केन्द्रीय कमिटीको बैठकमा सहभागी हुँदै गौतम पार्टीमा प्रवेश गरेकी हुन ।
आजपा अध्यक्ष एंव पुर्व मन्त्री प्रभु साहले गौतमलाई टीका, माला लगाई पार्टीमा प्रवेश गराएका हुन । आजपा प्रबेश गर्दै गौतमले समाजसेवालाई निरन्तरता दिदै राजनीतिमार्फत थप सशक्त आवाज उठाउनका लागि आजपामा प्रवेश गरेको बताइन् ।
आजपाले उठाउदै आएको मुद्दा, नीति, बिचार मुलुक र नेपाली जनताको हितमा भएको बताउदै उनले समाजको सेवा गर्ने काम अझै प्रभावकारी रुपमा अगाडी बढाउने बताइन् ।
पछिल्लो समय विभिन्न पार्टी परित्याग गरि आजपामा प्रवेश गर्नेको लहर चलेको छ । यसैगरी नेपाली कांग्रेस निकटको जनजाति महासंघको गण्डकी प्रदेशका अध्यक्ष तेजबहादुर कुम्हाल, नेपाली कांग्रेस सर्लाहीका नेता एंव पुर्वमुखिया रामबाबु साह, राष्ट्रिय मुक्ति पार्टीका केन्द्रीय सदस्य ललिता चौधरी (सिरहा) लगायतका नेताहरू पार्टी प्रवेश गरेको आजपा सचिवालय सदस्य सुभाष साहले जानकारी दिए ।
आजपाको केन्द्रीय कमिटीको बैठक प्रज्ञा भवनमा जारी छ । बैठकले अगामी निर्वाचनको रणनीतिको ’boutमा छलफल गर्दै उम्मेदवार छनोटको मापदण्ड ’boutमा छलफल हुने लगायतका एजेन्डाहरु रहेको आजपा सचिवालय सदस्य बालकृष्ण सापकोटाले जनाए ।
