काठमाडौं । सुकुम्बासी बस्तीमा डोजर चलाउने सरकारी तयारीले सुकुम्बासी बस्तीमा बसोबास गर्दै आएकाहरु त्रसित भएका छन् । सुकुम्बासीको समस्या समाधान गर्नुको साटो सरकारले सुकुम्बासीलाई नै हटाउने खेलमा लागेको भन्दै आम सुकम्बासी तथा अवयवस्थिति बसोबासी संघले ध्यानाकर्षण भएको जनाएको छ ।

१२ र १३ वैशाखमा सुकुम्बासी बस्तीमा डोजर लगाएर खाली गराउने सूचनाप्रति गम्भिर ध्यानाकर्षण भएको जनाउदै संघका उपाध्यक्ष अमर लिम्बु र महासचिव महम्मद सत्तारले नेपाली नागरिकलाई सरकारले उठीबास लगाउने जस्ता कुरा गर्नुप्रति आपती जनाएका छन् ।

‘प्रधानमन्त्री वालेन्द्र शाहज्यूले जो डोजर लगाउने कुरा गर्नु आम जनसमुदायलाई स्वीकार्य छैन् । जिम्मेवार ठाउँमा बसेर संविधान र कानूनको पालना गर्नु गराउनुको साटो आफ्ना नागरिकलाई दुःख दिने, उठीबास लगाउने, कानून विपरित कार्य गर्नु हामीलाई अस्वीकार्य छ,’ संघका उपाध्यक्ष लिम्बु र महासचिव सत्तारले जारी गरेको विज्ञप्तीमा उल्लेख गरिएको छ ।

प्रधानमन्त्री शाहको सो कार्यको विरोध एवं भत्र्सना गर्दै उनीहरुले तत्काल यो सूचना फिर्ता लिनका लागि अनुरोध समेत गरेका छन् । सुकुम्बासी बस्तीमा डोजर लगाउने काम भए त्यसको प्रतिबादमा उत्रिने चेतावी समेत संघले दिएको छ ।

‘आयोग पनि बन्यो, केवल भत्ता मात्रै खाने काम भन्ने कुरा त आम सुकुम्बासीलाई थाहै छ । बागमती खोला किनार, धोबीखोलाको किनार, बल्खु, थापाथली, मनहरा लगायतका अन्य सै देशभरका सुकुम्बासी र अव्यवस्थित बसोबासीहरुलाई जुन पनि सरकार आए पनि गरिब जनता, भुई मान्छेहरुलाई मानसिक टर्चर दिइरहेको छ,’ संघले जारी गरेको बिज्ञप्तीमा उल्लेख गरिएको छ ।

नेपाल सरकार सहित काठमाडौं महानगरपालिका स्थानीय सरकार समेत भएकाले त्यसले आफ्ना नागरिकलाई सेवा सुविधा दिनु एवं नागरिकको मानव अधिकारको रक्षा गर्नु उसको दायित्व समेत रहेको स्मरण संघले गराएको छ । कहिले सुकुम्बासी, कहिले कवाड व्यवसायी त कहिले गरिब सडक व्यवसायीलाई दुःख दिने काम तत्काल बन्द गर्न संघले आग्रह समेत गरेको छ ।

सम्बन्धित समाचार

बागमती प्रदेशमा बढाइयो सार्वजनिक यातायातको भाडा विद्युत् महसुुल नतिर्ने दुईसय ७७ जना कालोसूचीमा मनहरी गाउँपालिकाद्वारा करदाता सेवा सुरु पर्यटकको रोजाइमा सिन्धुपाल्चोकको भैरवकुण्ड चारदिने नमूना बाल नगरसभा सम्पन्न रेडपाण्डा संरक्षण गर्न चेतनामूलक कार्यक्रम विद्युतीय सवारीसाधन रूपान्तरणमा सरकारी सहयोगमा जोड मानसिक स्वास्थ्य’bout विद्यालयमा अन्तरक्रिया, ६१ जना सहभागी