काठमाडौं । बीपी राजमार्ग तीन दिनपछि सञ्चालनमा आएको छ । गत शनिबार परेको वर्षासँगै रोशी खोलामा आएको बााढीले अस्थायी डाइभर्सन बगाएपछि अवरुद्ध बनेको थियो ।

लगातार ३ दिनको मर्मतपछि आज सोमबार १ बजेबाट राजमार्ग सञ्चालनमा आएको सडक डिभिजन कार्यालय भक्तपुरका सूचना अधिकारी दिपक याकामीले जानकारी दिए ।

उनका अनुसार सडक डिभिजन कार्यालय र ठेकेदार कम्पनीको सहयोगमा क्षतिग्रस्त डाइभर्सन मर्मत गरी यातायात पुनः सञ्चालनमा ल्याइएको हो । अझै पनि मर्मतको काम जारी रहेको उनको भनाइ छ । साथै यात्रा गर्दा सावधानीपूर्वक यात्रा गर्न उनको आग्रह छ ।

रोशी खोलामा आएको बाढीले चौकीडाँडा, घुमाउने, बोक्सीकुना, कालढुंगा, डालाबेँशी,चारसय बेँसी, गिम्दी बेँसी, नार्के, चिउरीबास, बुलढुंगा, माम्तीमा आँपघारी र नेपालथोकमा डाइभर्सन बगाएको थियो ।

२०८१ असोजको दोस्रो साता परेको अविरल वर्षासँगै रोशी खोलामा आएको बाढीले करिब २९ किलोमिटर सडक पूर्ण रुपमा क्षति गरेको थियो । त्यसयता अस्थायी डाइभर्सन बनाएर सञ्चालनमा ल्याइएको छ । साथै यस क्षतिग्रस्त सडक स्थायी रुपमा पुनर्निमाण भइरहेको छ ।

सम्बन्धित समाचार

पेट्रोलियम पदार्थको मूल्यवृद्धिले ठूला विकास आयोजना प्रभावित सात करोडमा बन्यो जिल्ला प्रशासन कार्यालय नवलपरासी भवन सिक्टा सिँचाइ आयोजनाद्वारा २४ हजार हेक्टर जमिनमा सिँचाइ सुविधा ताकम–हिलापोखरी–सोलवाङ सडक स्तरोन्नति सुरु सडक अलपत्र पार्ने निर्माण व्यवसायीलाई कारबाहीको माग धनगढीमा ‘बुक फ्रि फ्राइडे’ प्रभावकारी : विद्यार्थी पढाई सँगै सीप सिक्दै झापाका दुई उद्योगमा आगलागी देवघाटको महत्त्व र महिमा चिनाउन ‘दिग्दर्शन’ प्रकाशन