मुम्बई । गत साता रिलिज भएको कन्नड र हिन्दी भाषामा निर्मित चलचित्र ‘केडीः द डेभिल’ को गीत ‘सर्के चुनर…’ ले एकपछि अर्को कलाकारलाई विवादमा पारेको छ । यो गीतमा अभिनय गरेका कारण यस अघि अभिनेता सञ्जय दत्तले राष्ट्रिय महिला आयोगमा उपस्थित भएर बयान दिनुका साथै माफी माग्नु परेको थियो ।

यही विवादमा आफूलाई पत्र काटेपछि अभिनेत्री नोरा फतेहीले पनि बिहीबार राष्ट्रिय महिला आयोगमा उपस्थित भएर बयान दिएकी छिन् । निर्देशकको निर्देशनमा आफूले सो गीतमा अभिनय गरेको उनले बयानको क्रममा स्पष्ट पारेकी छिन्

गत मार्चमा रिलिज भएको गीत ‘सर्के चुनर…’ ले व्यापक विवाद निम्त्याएको थियो । हिन्दी गीत र कन्नड दुवै भाषाको गीत र भिडियो अश्लील र आपत्तिजनक मानिएको थियो, जसमा सञ्जय र नोराले अभिनय गरेका थिए । यो गीत रिलिज भएपछि नारीमाथि गीतले अपमान गरेको भन्दै राष्ट्रिय महिला आयोगले स्पष्टीकरणको लागि सञ्जय दत्त र नोरा फतेहीलाई पत्र काटेको थियो । राष्ट्रिय महिला आयोगको कार्यालयबाट बाहिर निस्किएपछि नोराले मिडियालाई सम्बोधन गर्दै यस विषयमा स्पष्ट पारिन् । उनले भनिन्,‘यो केवल एउटा परिस्थिति थियो, जसमा मलाई राखिएको थियो ।

कसैलाई चोट पु¥याउने कुनै मेरो मनसाय पनि थिएन,’ उनले अगाडि भनिन्, ‘एक कलाकारको रूपमा आफ्नो जिम्मेवारी पूरा गर्नुपर्छ भन्दै मैले आयोगमा माफी मागेकी छु र सबै कुरा लिखित रूपमा राखेकी छु । उनीहरूले मेरो लिखित बयान र माफीलाई स्विकारेका छन् ।’

नोराले समाजबाट प्राप्त मायालाई सम्मान गर्नु आफूहरूको जिम्मेवारी भएको पनि बताएकी छिन् । अभिनेता सञ्जयले जस्तै अभिनेत्री नोराले पनि यो कार्यबापत अनाथ बालिकाहरूको शिक्षाको लागि कोष जुटाउने निर्णय गरेकी छिन् । यसलाई आफूले सो कार्यको लागि माफीसँगै सामाजिक दायित्वको रूपमा पनि लिएको नोराले सञ्चारकर्मीलाई बताइन् ।
राष्ट्रिय महिला आयोगले यस मुद्दामा आफू भन्दा अगाडि सञ्जय दत्तलाई बोलाएको सञ्जयले पनि माफी मागेको जानकारी नोरालाई गराएको थियो । सञ्चारकर्मीको जिज्ञासामा उनले सोही जानकारीको आधारमा आफूले पनि माफी मागेको स्पष्ट परिन् ।

गत २७ अप्रिलमा भएको सुनुवाइमा, अभिनेता सञ्जयले गीतको लागि माफी माग्दै सामाजिक कल्याण र महिला सशक्तीकरणमा योगदानको रूपमा ५० जना आदिवासी बालिकाहरूको शिक्षाको लागि आर्थिक सहयोग गर्ने वाचा गरेको पनि नोराले बताइन् । सोही कारण आफूले पनि आयोगमा यस्तो बाचा गर्नु परेको उनले स्पष्ट पारिन् ।

गत साता रिलिज भएको चलचित्र ‘केडीः द डेभिल’ को गीत ‘सर्के चुनर…’ विवादितसँगै हिट भयो । तर चलचित्रले राम्रो व्यापार गर्न सकेको छैन । गीत विवादमा परेपछि निर्माताहरूले माग्दै महिला आयोगको निर्देशनमा सबै प्लेटफर्मबाट यो गीत र यसको भिडियो हटाएका थिए ।-एजेन्सी

सम्बन्धित समाचार

पलेँटीमा गुन्जिए पवन र रमेश क्याफे व्यवसायमा नेपाली अभिनेत्री कर्णालीका चलचित्रकर्मीले सिके छायांकन र लेखन चलचित्र ‘लालीबजार’को प्रदर्शनमा अदालतको रोक जहाँ गुञ्जिँदै छन् प्रगतिशील सुरहरू, नयाँ पुस्ताका लागि चीनमा नेपाली चलचित्रको प्रदर्शनमा सरकारी चासो ‘धुरन्धर २’को लाइभ विस्फोटमा ५०० लिटर पेट्रोल प्रयोग तामिलनाडुमा फिल्म स्टार विजयको बलियो अग्रता