सुर्खेत । नेपाली कांग्रेसले सुर्खेतको वीरेन्द्रनगरमा भोली र पर्सी कर्णाली प्रदेशस्तरीय भेला गर्ने भएको छ । विशेष महाधिवेशनपछि वैशाख २८ र २९ गते प्रदेश तथा स्थानीय तह केन्द्रित भेला गर्न लागेको हो ।

भेलालाई कांग्रेस सभापति गगनकुमार थापा उपसभापति विश्वप्रकाश शर्मा महामन्त्री प्रदीप पौडेल लगायतका शीर्ष नेताहरूले सम्बोधन गर्ने कार्यक्रम रहेको छ । कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानको आयोजनामा प्रदेशस्तरीय भेलाको आयोजना गरिएको हो।

पार्टीका शीर्ष नेताहरूको सहभागितामा आयोजना हुने भेला आगामी राजनीतिक कार्यदिशा, निर्वाचन समीक्षा तथा सुशासनका सवालमा केन्द्रित रहने जनाइएको छ ।

भेलामा कर्णाली प्रदेशबाट पार्टीको केन्द्रीय कार्यसमितिमा प्रतिनिधित्व गर्ने सम्पूर्ण केन्द्रीय सदस्य, प्रदेश कार्यसमितिका पदाधिकारी, १० वटै जिल्लाका सभापति, प्रतिनिधिसभा सदस्य, प्रदेश सरकारका मन्त्री, प्रदेशसभा सदस्य, स्थानीय तहका प्रमुख(उपप्रमुख तथा गाउँपालिका अध्यक्ष-उपाध्यक्षहरूको सहभागिता रहने बताइएको छ।

प्रतिष्ठानका सदस्य प्रकाश लामिछानेले भेलामा हालै सम्पन्न प्रतिनिधिसभा निर्वाचनको वस्तुनिष्ठ समीक्षा, संगठनात्मक कमजोरीको पहिचान तथा पार्टीभित्रको अनुशासन र आन्तरिक एकतालाई सुदृढ बनाउने उद्देश्यमा केन्द्रित हुने बताए ।

भेलामा प्रदेश तथा स्थानीय तहका सरकारले अपनाउनुपर्ने नीति, कार्यक्रम र जनमुखी विकास मोडेल’bout विस्तृत छलफल हुने उनको भनाइ छ। बदलिँदो जनमत र मतदाताको मनोविज्ञानलाई ध्यानमा राख्दै पार्टीको भावी नीतिगत परिमार्जन, संगठन शुद्धीकरण तथा जनप्रतिनिधि र नेतृत्वबीच साझा धारणा निर्माणमा पनि विशेष जोड दिइनेछ।

त्यसैगरी सुशासन, भौतिक पूर्वाधार विकास, सामाजिक रूपान्तरण, विपद् व्यवस्थापन तथा बजेट व्यवस्थापनका प्राथमिकता’bout स्पष्ट कार्य योजना तय गरिने बताइएको छ।

नागरिकमैत्री बजेट निर्माण, समावेशी विकास र पार्टी तथा जनप्रतिनिधिबीच प्रभावकारी समन्वयका विषयमा समेत गहन छलफल हुने आयोजकले जनाएको छ।

दुईदिने छलफलपछि ‘सुर्खेत घोषणापत्र’ जारी गर्दै कर्णालीको विकास, समृद्धि र सुशासन’bout पार्टीको आधिकारिक धारणा सार्वजनिक गरिने तयारी गरिएको छ।

कांग्रेसले भेलालाई कर्णाली केन्द्रित राजनीतिक, संगठनात्मक तथा विकास रणनीति निर्माणको महत्त्वपूर्ण अवसरका रूपमा लिएको बताइएको छ।

सम्बन्धित समाचार

कांग्रेस संसदीय दलको नेता चयनमा सकस ओलीपथमा बालेन सरकार, संसद् टारेर अध्यादेशको शासन राष्ट्रपतिको काँधमा ६ अध्यादेशको बोझ प्रधानमन्त्री शाहले बोलाए मन्त्रिपरिषद् बैठक बालेन सरकारले संसद् छलेर ल्याउँदै दुई वटा अध्यादेश सरकारको सम्पर्कमा पुगे काठमाडौंका १८१६ सुकुमबासी परिवार कांग्रेसद्वारा संसद समन्वय बोर्डको बैठक आह्वान काभ्रेको रोशी खोलामा फसेका ८९ जनाको मध्यरात सकुशल उद्धार