लस एन्जलस । सिल्भेस्टर स्टेलोनको लोकप्रिय चलचित्र ‘र्‍याम्बो’को नयाँ शृंखला ‘जोन र्‍याम्बो’ अहिले निर्माणको क्रममा छ । अब यो चलचित्र चाँडै चलचित्र घरमा आउने निर्माताहरूले बताएका छन् । यो चलचित्र आगामी २०२७ जुनमा रिलिज हुने निर्माण पक्षले जनाएको छ ।

र्‍याम्बोको नामले सिल्भेस्टर स्टेलोन चर्चित भए पनि ‘जोन र्‍याम्बो’मा नयाँ र्‍याम्बोको मुख्य भूमिकामा नोआ सेन्टिनियो प्रस्तुत भएका छन् । यो चलचित्रमा सिल्भेस्टर स्टेलोन भने निर्मातामा छन् । उनीसँगै यसमा मार्वल चलचित्रहरूका प्रख्यात निर्देशकहरू द रुसो ब्रदर्स (एन्थोनी र जो रुसो) कार्यकारी निर्माताको रूपमा रहेका छन् ।

यो चलचित्र रिलिज भएपछि नोआ सेन्टिनियोले सिल्भेस्टर स्टेलोनलाई मुख्य पात्र ‘जोनी ¥याम्बो’ को रूपमा प्रतिस्थापन गर्ने विश्वास निर्माण पक्षको छ । यो शृंखलाका यस अघि पाँच वटा चलचित्रहरू रिलिज भइसकेका छन् । यो छैटौँ शृंखलाबाट नयाँ नायक ¥याम्बोको रूपमा आउन लागेका हुन् । यो चलचित्रमा ‘स्ट्रेन्जर थिंग्स’का डेभिड हार्बरले मेजर ट्राउटम्यानको भूमिका निर्वाह गरेका छन् ।

यी दुईसँगै यो चलचित्रमा जेम्स फ्रान्को, जेसन टोबिन र क्विन्सी इसायाह जस्ता कलाकारहरू पनि मुख्य भूमिकामा रहेका छन् । यो एक्सन प्रधान चलचित्रलाई जलमारी हेलान्डरले निर्देशन गरेका छन् । चलचित्र ‘सिसु’बाट उनी निर्देशनमा लोकप्रिय बनेका हुन् ।

निर्माण पक्षका अनुसार ‘जोनी र्‍याम्बो’मा पूर्व अमेरिकी सेना (विशेष बल) सिपाहीको जासुसी कथा प्रस्तुत गरिएको छ । जसमा भियतनाम युद्धको भयानक अनुभवहरू समेटिएको छ । यो शृंखलामा पूर्व सेनाले भ्रष्ट प्रहरी, शत्रुहरू र लागूपदार्थका मालिकहरूसँग लड्न आफ्नै सैन्य प्रशिक्षण र सीप प्रयोग गरेको कथा समेत समेटिएको छ ।

सम्बन्धित समाचार

‘रोल नं १’को ट्रेलरमा बाल संघर्ष कथा कलाकार संघको अध्यक्षमा उत्तम केसी, यस्तो छ नयाँ नेतृत्व विष्णुको ‘चौतारीमा पिपल छ बर छैन…’रिलिज कलाकार फेरबदलका कारण ३९ दिनमा सकियो ‘जलाकी’ वरिष्ठ सरोदवादक सुदर्शन राजोपाध्याय भारतको पुणेमा ‘कलाक्षेत्रम’बाट सम्मानित एआईको चपेटामा पुराना गीत, मारमा वास्तविक स्रष्टा ‘चलचित्र विधेयक २०८२’माथि प्रतिनिधि सभामा छलफल सुरु आइतबारबाट काठमाडौँमा छैटौँ नेपाल आदिवासी चलचित्र महोत्सव