विराटनगर । विराटनगर महानगरपालिकाले आगामी आर्थिक वर्ष २०८३/८४ का लागि ३ अर्ब ५६ करोड ४७ लाख बराबरको अनुमानित बजेट ल्याएको छ । महानगर प्रमुख एवं नगरसभाका अध्यक्ष नागेश कोइरालाले उपप्रमुख शिल्पा निराला कार्कीलाई सो बजेट सार्वजनिक गर्न अनुमति दिएका हुन् ।

सार्वजनिक भएको बजेटमा सङ्घीय सरकार वित्तीय समानीकरण अनुदान ३३ करोड ४३ लाख, सशर्त अनुदान चालुतर्फ ७३ करोड २९ लाख र सशर्त अनुदान पुँजीगततर्फ ५६ लाख गरी सङ्घीय सरकारबाट एक अर्ब ७ करोड २८ लाख रुपैयाँ अन्तरसरकारी वित्तीय हस्तान्तरणबाट आय हुने अनुमान गरिएको छ ।

यसैगरी, प्रदेश सरकार समानीकरण अनुदान ३ करोड ६२ लाख ५० हजार, सशर्त अनुमोदन प्रदेश सरकार चालुतर्फ ४ करोड एक लाख २४ हजार तथा सशर्त अनुदान पुँजीगततर्फ ६ करोड ६३ लाख गरी प्रदेश सरकारबाट जम्मा १४ करोड २६ लाख ७४ हजार रुपैयाँ आय हुने अनुमान गरेको छ ।

राजस्व बाँडफाँटबाट प्राप्त हुनेमध्ये सवारीसाधन करबापत ३ करोड ८ लाख, मनोरञ्जन करबाट ४० लाख, विज्ञापन करबाट ६० लाख, घरजग्गा रजिष्ट्रेशन दस्तुरबाट ६७ करोड ९५ लाख ७९ हजार, मूल्यअभिवृद्धि करबाट १५ करोड ३९ लाख २८ हजार, अन्तःशुल्क वापत ५ करोड १३ लाख ९ हजार गरी कुल ९२ करोड ५६ लाख १८ हजार राजस्व बाँडफाँटबाट आय हुने महानगरले अनुमान गरेको छ ।

आन्तरिक आयतर्फ एक अर्ब २७ करोड २० लाख ८ हजार आर्जन हुने अनुमान गरेको महानगरले विभिन्न सङ्घसंस्था अनुदानबापत एक करोड १६ लाख र बैंक मौज्दातबापत १४ करोड गरी कुल ३ अर्ब ५६ करोड ४७ लाख आय हुने बजेटमा उल्लेख गरेको छ ।

बजेटमा आव २०८३/८४ को अनुमानित क्षेत्रगत व्ययतर्फ सामाजिक विकासमा शिक्षातर्फ १० करोड ९ लाख २८ हजार, स्वास्थ्यतर्फ ७ करोड ३ लाख ९० हजार, महिला विकासमा ६६ लाख, बालबालिकामा ४८ लाख ६० हजार, अपाङ्गतामा ५७ लाख, ज्येष्ठ नागरिकतर्फ १६ लाख, लैङ्गिक हिंसा निवारणतर्फ ४२ लाख ७५ हजार छुट्याइएको छ ।

यसैगरी खानेपानी तथा सरसफाईमा १६ लाख, सामुदायिक विकास कार्यक्रममा ५९ लाख ३६ हजार, सङ्घसंस्था अनुदान ६ करोड ३१ लाख ७० हजार गरी सामाजिक विकासतर्फ महानगरले कुल २६ करोड ५० लाख ५९ हजार रुपैयाँ खर्चको अनुमान गरेको छ ।

सम्बन्धित समाचार

सम्पत्ति छानबिन आयोगको सम्पत्ति विवरण बुझाउने समय एक महिना थप जग्गा फिर्ता ल्याउन कस्सियो त्रिवि बेरुजुको समस्या नीतिगत तथा व्यवहारिक रुपमा सम्बोधन गर्न जोड प्रहरी सङ्गठन जनताका पहिलो सरकार होः मुख्यमन्त्री कार्की इटहरीमा कोसी प्रदेशकै ठूलो सम्मेलन केन्द्र निर्माण हुने बाँके निकुञ्जमा भौतिक पूर्वाधारमा लगानी गर्न आग्रह एडिबीद्वारा ११ करोड ५० लाख अमेरिकी डलरको सहुलियत ऋण स्वीकृत रास्वपा महाधिवेशनले चितवनका होटल भरिभराउ