पाँच करोड ५१ लाखको लागतमा भवन निर्माण हुँदै

कालिकोट । कालिकोटको महावै गाउँपालिकाले प्रशासकीय भवन निर्माण शिलान्यास गरेको छ। शनिबार महावै(७ कोटखौलमा प्रमुख प्रकासकीय भवन निर्माणको शिलान्यास गरिएको हो।

लामो समयदेखि अस्थायी भाडाको घरबाट सेवा प्रवाह गर्दै आएको गाउँपालिकाले सुविधासम्पन्न प्रशासकीय संरचना निर्माणको प्रक्रियालाई तीव्रता दिएको छ। नयाँ भवन ३२ कोठासहित साढे दुई तलाको हुने गाउँपालिकाका इन्जिनियर प्रकाश शाहीले बताए।

“भवन निर्माणका लागि रु पाँच करोड ५१ लाख ८४ हजार लागत लाग्नेगरी निर्माण कम्पनीसँग गत वैशाख १५ गते ठेक्का सम्झौता गरी कार्यक्षेत्रमा काम सुरु भइसकेको छ। सम्झौताअनुसार विसं २०८४ असार १५ गतेभित्र भवन निर्माणसम्पन्न गरी गाउँपालिकालाई हस्तान्तरण गर्नुपर्नेछ,” उनले भने।

इन्जिनियर शाहीका अनुसार सङ्घीय र स्थानीय सरकारको संयुक्त साझेदारीमा भवन निर्माण हुन लागेको हो । सङ्घीय सरकारअन्तर्गतको स्थानीय पूर्वाधार विकास विभागको ६० प्रतिशत र महावै गाउँपालिकाको ४० प्रतिशत लगानी रहने उनले बताए।

प्रशासकीय भवन निर्माण भएसँगै गाउँपालिकाबाट प्रवाह हुने सेवा थप व्यवस्थित, प्रभावकारी तथा सेवाग्राहीमैत्री बन्ने गाउँपालिकाका अध्यक्ष खेमबहादुर सिंह विश्वास व्यक्त गरे। “भवन तोकिएको समयभित्रै उच्च गुणस्तरको निर्माण हुनेछ”, उनले भने, “आफ्नै प्रशासकीय भवनको निर्माणले गाउँपालिकाको संस्थागत विकास र सुशासन प्रवर्द्धनमा महत्त्वपूर्ण उपलब्धि हुनेछ।”

भवन सम्पन्न भएपछि यहाँका नागरिकले एकै स्थानबाट झन्झटरहित स्थानीय सरकारको सेवा पाउने गाउँपालिकाका उपाध्यक्ष दानसिंह सेजुवालले बताए। उनले विगतमा आफ्नै भवन नहुँदा सेवा प्रवाहमा समस्या हुँदै आएकामा अब सहज हुने विश्वास व्यक्त गरे।

तपाइको प्रतिक्रिया
(Visited 16 times, 1 visits today)

सम्बन्धित समाचार

प्राविधिक शिक्षालयका प्रशिक्षकहरुका लागि सीपमूलक प्रशिक्षण लाङटाङको क्यान्जिन क्षेत्रमा पुग्यो केन्द्रीय प्रसारण लाइन खानेपानी समस्यामा संस्थानको धारा वितरणले राहत जुम्लाका किसानलाई अनुदानमा हाते ट्याक्टर सामुदायिक विद्युतीकरण विस्तारमा समस्या पर्यटकीयस्थल घोडेपानी-पुनहिलमा साइकल मार्ग लागू पदार्थ तथा अवैध तस्करी विरुद्ध राउटे समुदायमा सचेतना कार्यक्रम संचालन कर्णाली नदीमा झुलुङ्गे पुल बनेपछि आन्तरिक पर्यटकको घुइँचो

epaper

प्रमुख

ताजा समाचार

मनसुन क्रमशः सक्रिय हुँदै, असार १६ र १७ गते केही स्थानमा मुसलधारे वर्षा हुने
काठमाडौं । प्रतिनिसिभाको बैठकमा ‘सम्पत्ति शुद्धीकरण ‘मनि लाउण्डरिङ’ निवारण (तेस्रो संशोधन), विधेयक २०८३’ लाई विचार गरियोस् भन्ने प्रस्ताव सर्वसम्मतिले स्वीकृत भएको छ। अध्यादेशलाई प्रतिस्थापन गर्न ल्याइएको यो विधेयकमाथिको सैद्धान्तिक छलफलपछि ...
काठमाडौं । शुक्रवार काठमाडौंको बागबजार स्थित भक्तपुर बसपार्कदेखि श्रेष्ठ टे«लरिङ भवनसम्म सडकको दुवै किनारामा विभिन्न स्टलहरू राखिएको थियो । मध्यान्नदेखि सुरु भएको यो स्टलमा स्थानीय मौलिक खाना, विभिन्न हस्तकलाका सामग्री, ...
फिफा विश्वकप २०२६ को समूह चरणको खेल समाप्त भएको छ । शनिबार रातिदेखि आइतबार बिहानसम्म तीन समूहका अन्तिम ६ खेल सम्पन्न भएपछि समूह चरणको खेल समाप्त भएको हो । समूह ...
काठमाडौँ । हाल कोशी, मधेशस र बागमती प्रदेशका सम्पूर्ण क्षेत्र, गण्डकी प्रदेशका केही तथा लुम्बिनी प्रदेशको पूर्वी क्षेत्रसम्म मनसुन वायुको प्रभाव रहेको छ । अन्य क्षेत्रमा पश्चिमी तथा स्थानीय वायुको ...
काठमाडौं । बौद्धिक कृत्रिमता ( एआई) को क्षेत्रमा नेपाल १ सय ५० औं स्थानबाट माथि उक्लेर १ सय ६ औं साथमा उक्लेको छ । ‘अक्सफोर्ड इनसाइट्स’ को २०२५ को रिपोर्ट ...