काठमाडौं । नेपाल आयल निगमले हवाई इन्धनको मूल्य घटाएपछि वायुसेवा कम्पनीहरूले पनि हवाई भाडादर घटाएका छन्। बिहीबार राति निगमले आन्तरिकतर्फको हवाई इन्धनको मूल्य प्रतिलिटर ४० रुपैयाँले घटाउने निर्णय सञ्चालक समितिबाट गराएको थियो। अब आन्तरिक तर्फको हवाई इन्धनको मूल्य प्रति लिटर २२९ रुपैयाँ छ।
नेपाल नागरिक उड्डयन प्राधिकरणले बुधबारबाटै लागू हुने गरी घटेको फ्यूल सर्चार्ज कार्यान्वयन गराउन भन्दै सबै वायुसेवा कम्पनीहरूलाई पत्राचार गरेको छ। त्यसैलाई आधार बनाएर वायुसेवा सञ्चालकहरूले फ्यूल सर्चाजलाई समायोजन गर्दै भाडादर घटाएका हुन्।
तेल सस्तिएपछि काठमाडौं-धनगढी रुपमा इन्धन शुल्क १७६५ रुपैयाँ घट्ने भएको छ। यसअघि ११ हजार ८८५ रहेको फ्यूल सर्चाज अब १० हजार १२० रुपैयाँ पर्ने भएको छ।
त्यसपछि काठमाडौं-सुर्खेतको फ्यूल सर्चाज १३८० रुपैयाँ घटेको छ। यसअघि ९ हजार २९५ रहेको इन्धन मूल्य घटेर ७ हजार ९१५ मा झरेको छ। काठमाडौं-माउन्टेन फ्लाइटमा इन्धन मूल्य १३७५ घटेको छ। यसअघि ९ हजार २३५ रहेको फ्यूल सर्चाज अब ७ हजार ८६० रुपैयाँमा झरेको छ।
///C:/Users/Dell/Desktop/IMG_20260701_0002.pdf
सम्बन्धित समाचार
भरतपुरका २९ विषयगत सहकारी संस्था खारेज
हुम्लाको श्रीनगर आसपास केन्द्रविन्दु भएर भूकम्प
जुम्लामा चिकित्सकमाथि अभद्र व्यवहार गर्ने युवक पक्राउ
उपत्यकामा बर्डफ्लु सर्नुमा मुख्य कारक काग
८९ अङ्कसहित भरतपुर अस्पताल उत्कृष्ट ठहर
कालीकोट पूर्णखोप सुनिश्चित जिल्ला घोषणा
जुम्ला पूर्णखोप सुनिश्चितता तथा दिगोपना घोषणा
लागुऔषधसहित पाँच जना पक्राउ
