काठमाडौं । उद्योगी अस्मिनकुमार राउतले आत्मदाहको प्रयास गरेका छन् । ५० बर्षिय राउतले काठमाडौंको बुद्धनगरस्थित आफ्नै घरको भान्साकोठामा आत्मदाहको प्रयास गरेका हुन् । श्रीमती र छोरासँगै बस्दै आएका राउतले कोही नभएको अवस्थामा शनिबार विहान ७ बजे आत्मदाहको प्रयास गरेको पारिवारिक स्रोतले जानकारी दिएका छ ।

६० प्रतिशत जलेको अवस्थामा उनलाई उद्दार गरी अस्पताल पु-याइएको उनका भाइ दिपक राउतले जानकारी दिए । दयनीय अवस्थामा राउतको बीर अस्पालमा उपचार भइरहेको उनको भनाई छ ।

केही समयअघि भारतमा उपचार गराएर फर्केका उनी स्वास्थ उपचार पछि ‘बेड रेस्ट’मा थिए । उनले आत्मदाहको प्रयास गर्नुपर्ने कारण खुलिनसकेको प्रहरीले जानकारी दिएको छ ।

निर्माण व्यवसायी समेत रहेका राउतले लामो समयदेखि सुपर वायर एण्ड स्टिल इन्डस्ट्रियल प्रालि सञ्चालन गर्दै आएका छन् । उनले दिब्यश्री ट्रेड कन्सर्न प्रालिका नामका व्यवसायिक संस्था पनि सञ्चालन गर्छन् । हेटौंडामा रहेको सुपर वायरले तार जाली उत्पादन गर्छ भने दिब्यश्री ट्रेड कन्सर्नले निओन ब्राण्डका होम एप्लायन्सेसको नेपालका आधिकारिक विक्रेताका कार्य गर्दै आएको छ ।

सम्बन्धित समाचार

श्रीमानले बँदेल नियन्त्रणका लागि राखेको करेन्ट लागेर श्रीमतिको मृत्यु पन्ध्र जना ‘स्मार्ट’ आमा सम्मानित आमाको दूध प्रतिस्थापन गर्ने कृत्रिम वस्तु बिक्रीमा निषेध गणेश नेपालीको अवस्था गम्भीर र अस्थिर छ : वीर अस्पताल रहेनन् आफ्नै शरीरमा आगो लगाएका गणेश नेपाली चार दिनभित्र देशभर मनसुन फैलिने, कोशीमा आज भारी वर्षाको सम्भावना जुम्लामा चिकित्सकमाथि अभद्र व्यवहार गर्ने युवक पक्राउ ८९ अङ्कसहित भरतपुर अस्पताल उत्कृष्ट ठहर