न्युयोर्क । विश्व चर्चित श्रृंखलाबद्ध चलचित्र ‘जुरासिक पार्क’का अभिनेता साम नीलको सोमबार निधन भएको छ । उनको ७८ वर्षको उमेरमा निधन भएको उनका परिवारले एक विज्ञप्ति मार्फत जनाएका छन् । सामाजिक सञ्जालमा यो दुःखद समाचार जारी गर्नु परेकोमा आफूहरू साह्रै दुखी भएको उनका परिवारले जनाएका छन् । तथापि उनी रक्त क्यान्सरबाट पीडित रहेर पनि उनले क्यान्सर जितेका थिए । उनी हलिउडसँगै अस्ट्रेलियाका चलचित्रका समेत लोकप्रिय अभिनेता थिए ।
अस्ट्रेलियाको सिड्नीमा आफ्ना प्रियजनहरूसँग रेको उनको अकस्मात् मृत्यु भएको परिवारले जनाएका छन् । मृत्युको कारण उनीहरूले खुलासा गरेका छैनन् । अस्ट्रेलियाका प्रधानमन्त्री एन्थोनी अल्बानीजले पनि सामको निधनमा गहिरो समवेदना व्यक्त गरेका छन् । ‘जुरासिक पार्क’का शृंखलाहरूमा डा. एलन ग्रान्टको भूमिका निर्वाह गर्दै आएका अभिनेता साम नील न्यूजील्याण्ड मुलका कलाकार थिए । नीलले २०२३ मा आफूलाई तेस्रो चरणको रक्त क्यान्सरको एक दुर्लभ रूप ‘एन्जियोइम्युनोब्लास्टिक टी–सेल लिम्फोमा’ भएको जनाएका थिए । सन २०२२ मा आफूलाई यो समस्या भएको उनले जनाएका थिए । उपचार पछि आफू रक्त क्यान्सर मुक्त भएको पनि उनले बताएका थिए । उनको परिवारले पनि उनको मृत्यु क्यान्सरबाट नभएको दाबी गरेका छन् ।
अस्ट्रेलियाली प्रधानमन्त्री एन्थोनी अल्बानीजले यी अभिनेतालाई श्रद्धाञ्जली अर्पण गर्दै विज्ञप्तिमा लेखेका छन्,‘साम नीलले धेरै लोकप्रिय अस्ट्रेलियाली चलचित्रहरूमा अभिनय गरेका र अस्ट्रेलियालीहरूको हृदयमा विशेष स्थान राखेका हलिउडका लोकप्रिय कलाकार थिए । रमाइलो र गम्भीर, विचारशील व्यक्ति सामले आफ्नो रोगको सामना गरेर क्यान्सरलाई पनि जितेका थिए । उनलाई हामी सधैँ सम्झी रहने छौँ, उनको आत्माले शान्ति पाओस् । परिवारमा गहिरो समवेदना ।’
उनको मृत्यु अचानक र अप्रत्याशित भएको चिकित्सकहरूको कथन छ । परिवारले सेन्ट भिन्सेन्ट निजी अस्पतालका चिकित्सा र कर्मचारीहरूलाई विगतमा उनको हेरचाहको लागि धन्यवाद दिएका छन् ।
साम नीलको निधन प्रति विश्वभरबाट उनका शुभचिन्तकले दुःख व्यक्त गर्दै सामाजिक सञ्जालमार्फत श्रद्धाञ्जली अर्पण गरिरहेका छन् । अभिनेता सामको अन्त्यष्टी’bout चाँडै जानकारी गराउने पनि परिवारले जनाएका छन् ।
सम्बन्धित समाचार
अजयको चलचित्र ‘चौहान’ विवादमा
‘झिंगे दाउ २’को मार्मिक गीत ‘महिमा आमाको’ सार्वजनिक
तेस्रो विवाहमा व्यस्त आमिर खान
‘नवल खड्का’ पुस्तक बजारमा
आमा बन्न लागेको भन्दै बधाई आउँदा सामन्था चकित
फेरी सँगै बस्न थाले विल स्मिथ र श्रीमती जाडा
बाल प्रतिभाको लागि ‘म पनि एक्टर’ प्रतियोगिता
तेस्रो ‘अन्तरराष्ट्रिय नेपाली फिल्म अवार्ड’ नेपालमा हुने
