काठमाडौं । काठमाडौंको कीर्तिपुर नगरपालिकास्थित ट्याङ्लाफाँटमा गुडिरहेको एक निजी कारमा अचानक आगलागी हुँदा चालकको जलेर मृत्यु भएको छ । बा ५ च ३०३८ नम्बरको गुडिरहेको निजी कारमा अचानक आगलागी भएको हो । मृतक चालकको सनाखत हुन सकेको छैन । सिट बेल्ट बाँधेको अवस्थामै उनलाई मृत फेला पारिएको जनाइएको छ ।

जिल्ला प्रहरी परिसर काठमाडौंका प्रमुख एसएसपी दिलीप घिमिरेले कारमा एक्कासि आगो लागेपछि चालक बाहिर निस्कन नपाउँदा उनको गाडीभित्रै मृत्यु भएको बताए ।

घटनाको जानकारी पाएलगत्तै स्थानीय बासिन्दा र प्रहरीले फायर एक्स्टिङ्गुइसर (आगो निभाउने उपकरण) को प्रयोग गरी आगो निभाउने प्रयास गरेका थिए । आगो निभाउने काम भइरहँदा घटनास्थलमा दमकल समेत पुगेको थियो ।

गाडीमा कसरी आगो लाग्यो भन्ने सम्बन्धमा थप अनुसन्धान भइरहेको प्रहरीले जनाएको छ ।

सम्बन्धित समाचार

प्रधानमन्त्री कार्यालयको निर्देशनपछि डिडिसीमा दूधको गुणस्तर सुधार कोरियाबाट फर्केर नर्सरी व्यवसायमा जमेका फिलिप टिकटकबाटै बेच्छन् बिरुवा मिडियाको कार्यालयअघि गाडी तेर्स्याइएको विषयमा रास्वपाले के भन्यो ? मन लोभ्याउँदै जखेराको मनमोहक दृश्य अल्पमतका मुख्यमन्त्री शाहका निर्णायक २७ दिन यस्तो छ आजका लागि कृषिउपजको थोक मूल्य नीति अनुसन्धान प्रतिष्ठानको गठन आदेश संशोधन अतिक्रमित वनक्षेत्रको संरचना हटाइयो