विराटनगर । सुनसरीको देवानगञ्ज घटनाका विषयमा जिल्ला प्रशासन कार्यालय मोरङअगाडि प्रदर्शन भएको छ । देवानगञ्ज घटनामा संलग्नलाई कारवाहीको माग राख्दै प्रशासनमा ज्ञापन पत्र बुझाउन जाने क्रममा प्रदर्शन भएको हो ।

मेनरोडस्थित हनुमान मन्दिर क्षेत्रबाट नाराबाजी गर्दै प्रदर्शनकारी प्रशासन कार्यालयअगाडि पुगेपछि सुरक्षा तैनाथी बढाइएको छ । जिल्ला प्रशासन कार्यालयको गेटअगाडि सुरक्षाकर्मीले ब्यारिकेड खडा गरेर प्रदर्शनकारीलाई रोकेर राखेका छन् ।

देवानगञ्ज घटनामा प्रहरीले चलाएको गोली लागेर एक युवकको मृत्यु भएको थियो । गोली लागेका अरू केही घाइतेको उपचार विराटनगरस्थित विभिन्न अस्पतालमा भइरहेको छ ।

दुई समुदायका बीचमा भएको झडप नियन्त्रणका लागि सशस्त्र प्रहरीले गोली चलाएको थियो । सो घटनापछि सुनसरीका विभिन्न स्थानमा प्रदर्शन तोडफोड र आगजनी भएको छ । घटनापछि सुनसरीका नौ वटा स्थानीय तहमा कर्फ्यु जारी भएको छ ।

सुनसरीको देवानगंज–कप्तानगंज क्षेत्रमा भड्किएको साम्प्रदायिक हिंसा नियन्त्रण गर्न जिल्ला प्रशासन कार्यालय सुनसरीले लगाएको कर्फ्यु बिहीबार पनि यथावत् राखिएको छ ।

जिल्ला प्रशासन कार्यालय सुनसरीले अर्को सूचना प्रकाशन नभएसम्मका लागि भन्दै साउन १२ गते राति ९ बजेबाट जारी गरिएको कर्फ्यु अझै हटेको छैन । कर्फ्यु जारी रहेकाले सुनसरी भने सामान्य रहेको छ ।

सम्बन्धित समाचार

अतिक्रमित वनक्षेत्रको संरचना हटाइयो सिरहा र सप्तरीका एक हजार २०१ परिवारलाई आवास निर्माण मधेसमा ‘बफर’ कोटाको रसायनिक मल वितरण सुरु मधेसका अर्थमन्त्रीसहित सातजना विरुद्ध ३९ करोडको भ्रष्टाचार मुद्दा मधेसका अधिकांश जिल्लामा धान रोपाइँ अन्तिम चरणमा सुनसरी तनावग्रस्त : झडपपछि एक जनाको मृत्यु, पाँच स्थानमा अनिश्चितकालीन कर्फ्यु विरुवा उत्पादनदेखि वन पर्यटनसम्म दलित महिलाहरूलाई ‘डिजिटल’ साक्षरता प्रशिक्षण