काठमाडौं । पाकिस्तानको काराकोरम हिमश्रृङ्खलामा पर्ने ब्रड पिक हिमाल बेपत्तामध्ये भेटिएको चार शवमध्ये दुई आरोहीको पहिचान खुलेको छ।

अल्पाइन क्लब अफ पाकिस्तान (एसीपी)लाई उद्धृत गर्दै पाकिस्तानको सञ्चारमाध्यम डनले उल्लेख गरेअनुसार, ओमानकी नाधिरा अहमद अब्दुल्लाह अल हार्थी र नेपालका पुरबहादुर गुरुङको शव भेटिएको हो।

एसीपीका अध्यक्ष मेजर जनरल इरफान अर्शदले दुई जनाको शव पहिचान भएको बताएको डनले उल्लेख गरेको छ। हिमपहिरोमा हराएका १० सदस्यीय टोलीमा ६ जना नेपाली, एक पाकिस्तानी, एक ओमानी, एक अमेरिकी र एक चिनियाँ पर्वतारोही थिए।

नेपाली टोलीमा निर्मल पुर्जा, पुरबहादुर गुरुङ, किली पेम्बा शेर्पा, निमा शेर्पा, नावाङ थिन्दु शेर्पा र ग्यालु शेर्पा रहेका थिए। अन्य पर्वतारोहीमा ओमानकी नाधिरा अहमद अब्दुल्लाह अल हार्थी, पाकिस्तानका सोहेल साखी, चीनका वाङ झोङ र अमेरिकाकी म्यालोरी गाइस रहेका थिए।

हेलिकप्टर सहायतासहित उपलब्ध सबै उद्धार स्रोतसाधनलाई परिचालन गरेर बेपत्ता आरोहीको खोजीमा हरसम्भव प्रयास भइरहेको पाकिस्तानी सरकारले जनाएको छ।

सम्बन्धित समाचार

मनसुनमा घुम्ने रहर अविरल वर्षाका कारण प्रमुख राजमार्गहरूमा आवागमन प्रभावित चार महिनामा तीन हजार ४३५ विपद्का घटना सामाजिक सुरक्षा कोषमा ३० लाख बढी योगदानकर्ता आबद्ध कोशी, बागमती, गण्डकी र लुम्बिनी प्रदेशमा भारी वर्षाको पूर्वानुमान कोशी, बागमती, गण्डकी, लुम्बिनी र कर्णाली प्रदेशका केही स्थानमा भारी वर्षाको पूर्वानुमान आर्थिक कूटनीतिमा सक्रिय भूमिका निर्वाह गर्न मानार्थ वाणिज्य दूतहरूलाई परराष्ट्रमन्त्री खनालको आह्वान आत्मदाह प्रयास गरेका युवकको बाटोमै मृत्यु